Kocába estas rivereto en Ĉeĥio, en Mezbohemia regiono, la maldekstra alfluanto de Vultavo. Ĝi deakvigas la nordorientan parton de distrikto Příbram. Laŭlonge laŭ Kocába troviĝas multaj kabanaj kaj trampistaj domaroj. Dum pli altaj akvaj statoj ĝi estas ŝatata celo de akvoturistoj.
Paso de la fluo
Ĝi fontas sur suda rando de příbrama kvartalo Nová Hospoda (Příbram IX, surrande de la setlejunuo. Malantaŭ Svatá Hora en parto Příbram II) proksime de municipo Dubno, proksimume 3 km oriente de la centro de Příbram. Ĉe Dubenec transpaŝas la riveron aŭtostrado D4, ĉe Višňová (proksimume 5 km de la fonto) la rivereto satigas tri fiŝlagojn. Proksime de la municipo ĝi deflankiĝas al nordo kaj trafluas tra municipo Daleké Dušníky. Sub Tuškovský vrch la rivereto denove deflankiĝas, ĉifoje al oriento, kaj ĝi daŭrigas proksimume 8 km tra profunda arbaro sub Stará Huť ĝis Nový Knín. De tiu ĉi urbo la rivero enprofundiĝas en valon, en kiu ĝi poste trafluas ĝis la enfluejo. Ĉe Velká Lečice (31 km de la fonto) Kocába forlasas la teritorion de distrikto Příbram kaj lastaj 10 km ĝi daŭrigas en distrikto Prago-okcidento. Ĉe Malá Lečice ĝi superas en mallarĝa ravino rapidfluon kun sovaĝaj torentoj, markata kiel Lečická kaskáda. Ankaŭ en plua sektoro Kocába tenas grandan falon. Surborde aperas malnovaj trampistaj domaroj (Askalona[1], Dashwood, Rewaston, Havran), sed ankaŭ nebelaj kabanoj. En lasta kilometro ĝi trafluas tra municipo Štěchovice, en kies centro, inter aŭtobusa haltejo kaj haveno, ĝi enfluas de maldekstre ĝis Vultavo.
Pli grandaj alfluantoj
La plej signifa alfluanto estas rojo Sychrovský potok kun longeco 20,7 km, kiu enfluas ĝis Kocába el la maldekstra flanko.
Minado de oro
Kocába kaj ĝia plej proksima ĉirkaŭaĵo estis jam dum jarcentoj konata trovejo de oro. La tn. Štěchovica orporta regiono etendiĝas inter Nový Knín kaj Štěchovice, resp. Davle, kaj la minado de oro ĉi tie okazis en kelkaj historiaj etapoj, dum kio ekzistas konsideroj, ke ĉi tie povis mini oron jam keltoj.[2] En junio de 2003 okazis sur Kocába mondĉampioneco en orminado.[3]
Pluaj fotoj
-
Kocába en strato Kozohorská ulice sur katastro de
Starý Knín
-
Monumento de Jiří Krýsl, kiu pereis en tuj ĉi lokoj dum inundo la 20-a de julio 1981, inter
Nový Knín kaj
Velká Lečice
-
Trarompejo de Kocábya proksime de vilaĝo Malá Lečice - vido laŭ la fluo
-
Trarompejo de Kocáby proksime de la vilaĝo Malá Lečice - vido kontraŭ la fluo
-
Riverfluo de Kocáb inter vilaĝo Malá Lečice kaj kabana domaro Askalona
-
Valo de Kocába super domaro Dashwood
-
Domaro Dashwood sur Kocába
-
Valo de Kocába super domaro Havran - vido kontraŭ la fluo
-
Riverfluo de Kocába senpere super la kabana domaro Havran
-
Enfluejo de Kocába ĝis Vultavo en Štěchovice, transpontigita tra strato Vltavská ulice
Referencoj
- ↑ Trampská osada Askalona na Kocábě
- ↑ ZLATO NA KOCÁBĚ A V OKOLÍ. Arkivita el la originalo je 2016-09-18. Alirita 2016-08-02 .
- ↑ Ohlasy v tisku: Mistrovství na Kocábě 2003. Arkivita el la originalo je 2009-09-25. Alirita 2024-10-02 .
Eksteraj ligiloj
.jpg)
