La loĝlokon en la valo de la rivero Eisack (itale Isarco) superrigardas la impona monto Säbener Berg. Ĝi jam ekde la 4-a jarmilo antaŭ nia erao estis loĝata, probable ĉar la impona formo al la homoj donis la impreson ke ĝi estus bona rifuĝejo kontraŭ minacaj danĝeroj. La frua loĝiĝo estas pruvita per arkeologiaj malkovroj kiuj estis faritaj inter la jaroj 1929 kaj 1982. En la malfrua antikva epoko kaj la frua mezepoko la setlejo Säben sur teraso de la sudokcidenta deklivo de la monto estis grava kristana centro kaj episkopejo. Monumentaj atestaĵoj pri tiu kristanisma pasinto nun interalie estas la kirko Sankta Kruco, historia monaĥejo kun preĝejo kaj la kirko de Nia Sinjorino kun najbara maria kapelo sur la monteto; la vojon de Klausen al Säben en la mezepoko gardis la burgo Branzoll.
la historia monaĥejo Säben
la burgo Branzoll
panoramo en historia bildigo fine de la 19-a jarcento
