KIM Ĝong-nam (koree 김정남) (naskiĝis la 10-an de majo 1971 (nun 1971-05-10), mortis la 13-an de februaro 2017) estis la plej aĝa filo de Kim Ĝong-il, la antaŭa estro de Nord-Koreio.
Li provis eniri Japanion uzante falsan pasporton en majo 2001. Tio estis por viziti Disneyland-on en Tokio. Tio kaŭzis la malaprobon de lia patro.[1] La pli juna duon-frato de Kim Ĝong-nam, Kim Ĝong-un estis farita heredanto en septembro 2010.[2]
En junio 2010, Kim Ĝong-nam donis mallongan intervjuon al Associated Press en Makao.[3] Li diris al la ĵurnalisto ke li havis "neniun planon" por dizerti al Eŭropo. La gazetaro antaŭnelonge diris tion.[3] Kim Ĝong-nam vivis en apartamento en Insulo Coloane en la suda pinto de Makao ĝis 2007.[4] Anonima sudkorea oficialulo raportis en oktobro 2010 ke Ĝong-nam ne vivis en Makao jam de "monatoj", kaj nun iras inter Ĉinio kaj "alia lando".[4]
Kiam lia patro mortis, Kim Ĝong-nam ne ĉeestis la funebron. Tio estis por ĉesigi rumorojn pri sukcedo.[5]
Li mortis la 13-an de februaro 2017 (45‑jara). Li estis murdita per pikoj de venenitaj kudriloj en Internacia Flughaveno de Kuala-Lumpuro, Malajzio.[6]
Privata vivo
La sudkorea ĵurnalo The Chosun Ilbo diris ke Kim Ĝong-nam havas du edzinojn, almenaŭ unu amantinon, kaj plurajn infanojn.[4] Lia unua edzino Shin Jong-hui (naskiĝinta ĉirkaŭ 1980) kaj ilia filo Kum-sol (naskiĝinta ĉirkaŭ 1996) vivas en domo nomita Dragon Villa en la norda suburbo de Pekino.[4] Lia dua edzino Lee Hye-kyong (naskiĝinta ĉirkaŭ 1970), ilia filo Han-sol (naskiĝinta ĉirkaŭ 1995) kaj ilia filino Sol-hui (naskiĝinta ĉirkaŭ 1998) vivas en apartamento en Makao.[4] La amantino de Ĝong-nam, antaŭa stevardino de Air Koryo So Yong-la (naskiĝinta ĉirkaŭ 1980), ankaŭ vivas en Makao.[4]
La amaskomunikiloj ofte donas atenton al Ĝong-nam pro lia ludmanio kaj ekstravaganca elspezado.[7]
Referencoj
- ↑ The Huffington Post artikolo: "Kim Jong Nam, North Korean Leader's Son, Denies Plans To Defect."
- ↑ Christian Science Monitor artikolo: "Kim Jong-un confirmed North Korean heir ahead of massive military parade."
- ↑ 3,0 3,1 The Seattle Times artikolo: "NKorean leader's son gives interview."
- ↑ 4,0 4,1 4,2 4,3 4,4 4,5 Chosun Ilbo artikolo: "Where Is Kim Jong-il's Eldest Son?."
- ↑ Kim's eldest in 'secret visit' to see body (AFP, Januaro 1, 2012)
- ↑ http://www.reuters.com/article/us-northkorea-malaysia-kim-idUSKBN15T1DN
- ↑ http://wordswithmeaning.org/2012/02/kim-jong-ils-son-gets-kicked-out-of-casino[rompita ligilo]
Fonto
En tiu ĉi artikolo estas uzita traduko de teksto el la artikolo Kim Jong-nam en la baza angla Vikipedio.
