La kila golfo (germaneKieler Bucht, daneKiel Bugt) estas golfo de la Balta Maro, en kies centra parto, konsiderante la golfan marbordon al la eŭropa kontinento, la kila fjordo (germane Kieler Förde) kvazaŭ entranĉite en la kontinenton gvidas al la urbo Kilo (germane Kiel). En okcidento kaj sudo ĝi limiĝas per la marbordo de Ŝlesvigo-Holstinio, en sudoriento de la germania insulo Fehmarn kaj en nordo de la sudaj bordoj de la daniaj insuloj Als, Ærø kaj Langeland. En sia nordokcidento, en la flensburga fjordo (germane Flensburger Förde, dane Flensborg Fjord) situas la limo inter Germanio kaj Danio. La kila golfo havas pliajn golfojn kaj fjordojn, kiel Schlei, Eckernförder Bucht kaj Hohwachter Bucht.
