Kaŭkazaj popoloj

Tiu ĉi artikolo temas pri la popoloj de la kaŭkaza montaro. Pri la historia antropologia koncepto de "kaŭkaza raso" vidu apartan artikolon.

Kaŭkazaj popoloj
ethnic groups in Asia • ethnic groups in Europe
Ŝtatoj kun signifa populacio

etnolingvaj grupoj en Kaŭkazio

la mezepoka kartvelia vilaĝo Ŝatili

la vilaĝo Tindi, en Dagestano, en la 1890-aj jaroj. La foton faris M. de Déchy

Laŭ sia etna konsisto Kaŭkazio estas ege komplika kaj bunta regiono. Ĉi tie oni parolas pli ol 40 lingvojn. Plimulto de kaŭkazianoj apartenas al eŭropa antropologia raso. Pli ol duono de la loĝantaro estas kristanoj (ĉefe ortodoksuloj), kaj la aliaj precipe islamanoj.

Laŭ lingva klasifiko kaŭkazianoj dividiĝas jene:

• Kaŭkazia lingvaro:
  • Kartvela grupo:
    • kartveloj (3 900 000)
  • Abĥaz-adigea grupo:
    • abĥazoj (95 000),
    • abazoj (31 000),
    • kabardoj (304 000),
    • ĉerkesoj (50 000),
    • adigoj (115 000).
  • Naĥa grupo:
    • ĉeĉenoj (840 000),
    • inguŝoj (200 000).
  • Dagestana grupo:
    • avaroj (540 000),
    • lezgoj (430 000),
    • lakoj (110 000),
    • darguanoj (32 000).

• Altaja lingvaro:
  • Tjurka grupo:
    • azeroj (9 500 000),
    • kumikoj (255 000),
    • karaĉajoj (140 000),
    • balkaroj (69 000).
  • Mongola grupo:
    • kalmikoj (218 000)

• Hindeŭropa lingvaro:
  • Slava grupo:
    • rusoj (8 100 000),
    • ukrainoj (350 000). Multaj el ili deklaras sin kozakoj.
  • Greka grupo:
    • grekoj (120 000), ĉefe grekoj-pontanoj iam migrintaj el Anatolio.
  • Irana grupo:
    • osetoj (570 000).
  • Armena grupo:
    • armenoj (4 300 000).

Malgraŭ la etna, religia kaj lingva diverseco, kaŭkazianojn forte ligas politikaj kaj ekonomiaj interesoj, ankaŭ komuna historia sorto, komunaj longedaŭraj bataloj kontraŭ eksteraj invadantoj kaj certe, simileco de kulturoj kaj kutimoj. Speciale similas la muzika, la danca kaj la vesta kulturoj, similas etiketoj kaj moralaj normoj.

Lua-eraro en package.lua, linio 80: module 'Modulo:Portalo/bildoj/k' not found.