La Kastelo Lebenberg (germane: Schloss Lebenberg, itale: Castel Monteleone) estas mezepoka kastelo kiu staras supre de la vilaĝo Tscherms, en Sudtirolo (Italio). Ĝi situas je altitudo de 440 m kaj ene de la kastelaj muroj troviĝas interalie kastela muzeo kaj rokoko-ĝardeno.
Rokoko-ĝardeno en la kastelo Lebenberg en Sudtirolo
Historio
La kastelo estis konstruita en la 13-a jarcento fare de la sinjoroj de Marling. Sekve ĝi estis akirita de la sinjoroj de Lebenberg. La heredanta filino Dorothea von Lebenberg edziniĝis kun la grafo Fuchs von Fuchsberg en 1426.
Dum la sekvantaj kvar jarcentoj la kastelo apartenis al la familio Fuchs, kiu modifis kaj pligrandigis ĝin plurfoje. Nuntempe ĝi konsistas el pluraj konstruaĵoj kiuj grupiĝas ĉirkaŭ internaj kortoj.
En la jaro 1828 la familio Fuchs estingiĝis kaj ek de tiam la posedantoj de la kastelo ŝanĝiĝis plurfoje. En 1924 ĝi estis aĉetita de Adrian van Rossem, kies familio loĝas ĝis nun en la plejparto de la kastelo.
Aliro
Parto de la kastelo estas alirebla por vizitantoj kaj funkcias kiel muzeo. Aparte vidindaj estas la kapelo, la ĉambro de antikvaj armiloj kaj la salono de la kavaliroj.
Strategi Solo vs Squad di Free Fire: Cara Menang Mudah!
