La Karnavalo de Barankilo (hispaneCarnaval de Barranquilla) estas la plej grava folklora kaj kultura festo de Barankilo kaj Kolombio. Tiu tradicio devenas de la 19-a jarcento. Ĉi tiu karnavalo estas la tria en la mondo post tiuj de Rio-de-Ĵanejro kaj Venecio[1].
La Karnavalo de Barankilo estas la plej granda folklora evento en la lando. Ĝi estas ankaŭ la plej malnova kolombia festivalo. Ĝi estis proklamita en novembro 2003 ĉefverko de Nemateria kultura heredaĵo kaj registrita en novembro 2008 fare de UNESKO. Ĝi ampleksas kulturajn okazaĵojn en pli ol kvindek urboj kaj vilaĝoj situantaj borde de la rivero Magdalena.
