John Marwood CLEESE (naskiĝis en Weston-super-Mare (Anglio) la 27-an de oktobro 1939) estas brita aktoro, komikulo kaj filmisto.
Biografio
Cleese naskiĝis en Weston-super-Mare, Somerset, kiel sola infano de Muriel Cross, akrobatino, kaj Reginald Francis Cleese (1894), kiu laboris en la vendado de asekuroj.[1] La familia nomo antaŭe estis "Cheese" (Fromaĝo), sed sia patro ŝanĝis tion en "Cleese" en 1915, ĉar oni turmentis lin pro tio.[2][3]
Cleese verkis en 1963 la scenaron por la revuo Cambridge Circus kiu prezentiĝis en Londono, Nov-Zelando kaj Broadway.
Post tio li kelktempe mem ludis en kaj ekster Broadway. Li renkontis estontan Python-on Terry Gilliam kiam li rolis en la muzikalo Half a Sixpence, kaj ankaŭ la usonan aktorinon Connie Booth, kun kiu li ja la 20-a de februaro 1968 geedziĝis.
Li konatiĝis pro la partopreno je "Monty Python's Flying Circus" (1969-1974) kun ĝia absurda humuro.
Kune kun lia tiama edzino Connie Booth li faris la televidserion "Fawlty Towers" (1975-1979) en kiu li rolis kiel la hotelestro Basil Fawlty, kaj lia edzino kiel la ĉambristino Polly. Li aperis ankaŭ en Time Bandits de 1981 reĝisorita de Terry Gilliam.
En junio 2006 Cleese anoncis ke li ĉesos roli en kaj verki de komedioj. Kiel kaŭzo li indikis sian aĝon kaj la fakton ke oni ne povas superi "Fawlty Towers"-on.
Referencoj
Eksteraj ligiloj
.jpg)
