Jillian Noel Hennessy (25-an de novembro1968 en Edmonton, Alberta) estas kanada aktorino, kiu estas konata ĉefe pro la ĉefrolo Jordan Cavanaugh en la krima televida serio Crossing Jordan.
Biografio
Hennessy havas ĝemelan fratinon Jacqueline, pli junan fraton John Jr. kun kiuj ŝi plenkreskis ĉe sia vinado komercista patro. La patrino Maxine forlasis la familion. Pro iliaj diversnaciaj prauloj, la gefratoj parolas kvin lingvojn. Hennessy parolas krom la angla, la italan, hispanan, francan kaj germanan lingvojn.
Post la mezlernejo, Hennessy iĝis aktorino kaj aperis en multnombraj televidaj serioj kaj filmoj. En 1993, ŝi apartenis al plej strikta rondo de kandidatinoj pro la rolo Dana Scully en la serio The X-Files. la rolon ricevis do Gillian Anderson, post kiam Hennessy ekludis en la serio Law & Order, en kiu li ludis la rolon de advokatino Claire Kincaid kaj iĝis per tio populara. Tion sekvis la roloj en la holivudaj produktaĵoj kiel Molly (1999) kun Elisabeth Shue kaj Autumn in New York (2000) kun Richard Gere kaj Winona Ryder.
En la sama jaro, ŝi geedziĝis kun aktoro Paolo Mastropietro.
En 2001 la televida kanalo NBC ekis novan kimserion kun alloga patologino kaj ŝia teamo. La serio Crossing Jordan iĝis granda sukceso, kun ĉefrolo de Jill Hennessy.
Hennessy iĝis en 2003 graveda kun filo, pro tio la eko de la tria jarkolekto de Crossing Jordan estis ŝovita je 6 monatoj. Pro la patrineco, poste ŝi ne aperis en ĉiu epizodo, tiam la serio koncentris je aliaj karaktroj. Ŝi havas du filojn (2003, 2007) kun la edzo Paolo Mastropietro.
En junio de 2009, aperis ŝia unua albumo Ghost In My Head.
Filmografio
Stelo de Jill Hennessy sur Kanada Promenejo de Famuloj
