GELEJI KATONA István transilvanuja reformita episkopo, eklezia verkisto (Gelej, 1589 – Gyulafehérvár, 12-a de decembro 1649).
Biografio
Li estis sepjara, kiam vagantaj turkoj forrabis lin kaj lia patrino nur por longaj serĉado trovis lin kaj elaĉetis lin disde la turkoj Szolnok. Li lernis en Abaújszántó, Gönc, Sátoraljaújhely kaj Sárospatak, poste per subteno de Gabrielo Bethlen du jarojn en Universitato de Heidelberg. En 1618 li estis la instruisto kaj direktoro de altlernejo de Gyulafehérvár. Ekde 1619 li estis la guvernisto de la pli juna frato de la reganto, István Bethlen kaj kiel akompananto de li ankoraŭfoje iris al Heidelberg en 1621. Li estis kortega pastro de Zsuzsanna Károlyi, edzino de la reganto kaj post ŝia morto (1622) de la reganto mem. Ekde 1633 ĝis sia morto li estis transilvanuja reformita episkopo.
Ĉefaj verkoj
- Magyar grammatikatska (Toldy Ferenc szerkesztésében: Corpus grammaticorum, Pest, 1866).
Bibliografio
- Brassay Károly: G. K. I. élete és munkái (Hajdúnánási ref. gimn. ért. 1902–1903);
- Simonyi Zsigmond: G. K. I. Magyar Grammatikátskája (Bp., 1906);
- Pais Dezső: A magyar irodalmi nyelv (Magy. Nyelvtud. társ. Kiadványai, 83. sz.);
- Szathmári István: G. K. I. és a német Sprachgesellschaftok (Magy. Nyelvőr, LXXXVIII.).
