Loko de Insulo Maria ĉe la orienta marbordo de Tasmanio
La Insulo Maria en anglaMaria Island estas monteca insulo ĉe la orienta marbordo de Tasmania. La tuta insulo estas nacia parko. La Nacia Parko Insulo Maria havas totalan areon de 115.50 km², kio inkludas marareon de 18.78 km² ĉe la nordokcidenta marbordo de la insulo. La insulo estas ĉirkaŭ 20 km longa el nordo al sudo kaj, plej larĝa, estas ĉirkaŭ 13 km de okcidento orienten. Je ties plej proksima punkto (Point Lesueur), la insulo kuŝas je kvar kilometroj ĉe la orienta marbordo de Tasmanio. La insulo ricevis sian nomon en 1642 de la nederlanda esploristo Abel Tasman laŭ Maria van Diemen (naske van Aelst), edzino de Anthony van Diemen, la Ĝenerala Guberniestro de la Nederlandaj Orientaj Hindioj ĉe Batavio. La insulo estis konata jam kiel Maria's Isle komence de la 19a jarcento.[1]
