Hesio-Homburg

Hesio-Homburg
1622 – 1866
landgraflando • ŝtato de la Germana Federacio 1815–1848 & 1850–1866
Geografio Hesio-Homburg inter siaj najbaroj
Ĉefurbo:	Bad Homburg
Loĝantaro
Kvanto de loĝantoj:	27 563
Lingvoj:	germana lingvo
Religioj:	luteranismo
Ŝtat-strukturo
Ŝtat-strukturo:	monarkio
Antaŭaj ŝtatoj: Postsekvaj ŝtatoj: Elstaraj historiaj eventoj Diplomatiaj rilatoj Sankta Romia Imperio

Eniro al la Homburga kastelo

Hesio-Homburg, germane Hessen-Homburg, estis historia germana teritorio kun ĉefurbo Homburg en Hesio, kiu portempe ekzistis kiel memstara ŝtateto, portempe estis parto de la pli granda Hesio-Darmstadt. Ĝin regis la "landgrafoj de Hesio-Homburg", branĉo de la dinastio Hesio-Darmstadt.

• de 1622 ĝis 1768: parto de Hesio-Darmstadt (landgrafujo)
• de 1768 ĝis 1806: memstara landgrafujo, membro de la Sankta Romia Imperio
• de 1806 ĝis 1815: parto de Hesio-Darmstadt (grandduklando)
• de 1815 ĝis 1866: memstara landgrafujo, membro de la Germana Federacio
• 1866 mallongtempe denove parto de Hesio-Darmstadt (grandduklando)
• ekde 1866: fariĝis parto de la prusia provinco Hessen-Nassau
• hodiaŭ: parto de federacia lando Hesio

Dum la tempo de sia plej granda etendo ĝi havis areon de 221 km² kaj 27.563 loĝantojn (1865). Malgraŭ sia malgrandeco ĝi sukcesis akiri voĉdonrajton de unu plena voĉo en la Germana Federacio - rajto kiu normale estis rezervita nur al la plej grandaj membro-ŝtatoj.

En la Germana Federacio membris tiel "tri Hesioj", ĉiuj devenintaj el la iama "landgrafujo Hesio":

• "landgrafujo Hesio" = Hesio-Homburg, la plej malgranda
• "elektoprinclando Hesio" = Hesio-Kaselo
• "grandduklando Hesio" = Hesio-Darmstadt

Ĉi tiu artikolo ankoraŭ estas ĝermo pri historio kaj Germanio. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).