CSAPÓ Gyula [ĉapO djula], duonesperantigite Julio CSAPÓ (naskiĝis la 23-an de februaro 1906 en Jimbolia (tiam en Hungario, nun en Rumanio); mortis la 19-an de decembro 1974 en Satu Mare, Rumanio), estis hungara esperantisto kaj lignokomerca oficisto.
Biografio
Post Traktato de Trianon (1920) li apartenis al la hungara minoritato en Rumanio. Li lernis Esperanton en 1921 kaj gvidis la movadon en Timişoara. Dum longa tempo servis ankaŭ kiel delegito kaj fakdelegito de UEA. Inter la du mondmilitoj li estis la ĉefa aktivulo por Esperanto en la regiono de la rumana urbo Timișoara.
