Golfo de San-Francisko

Golfo de San-Francisko
golfeto [+]
Akvejo	Pacifiko
Koordinatoj	37° 39′ 17″ N, 122° 14′ 15″ U (mapo)37.6546543-122.2374676Koordinatoj: 37° 39′ 17″ N, 122° 14′ 15″ U (mapo)
Maksimuma longo	97 km (60 mi)
Maksimuma larĝo	19 km (12 mi)
Golfo de San-Francisko (Tero)
Golfo de San-Francisko (Kalifornio) DEC
Golfo de San-Francisko
Vikimedia Komunejo:  San Francisco Bay [+]

La Golfo de San-Francisko (angle San Francisco Bay [sen fr'nciskoŭ bej]) estas golfo de la Pacifiko, kun kiu ĝi estas ligita nur per la markolo de la Ora Pordego (Golden Gate [goŭldn gejt]). Ĝi situas en la usona ŝtato Kalifornio.

Golfo de San-Francisko

La golfo iam (1850) havis, kune kun San-Pablo-Golfo, longon de pli ol 80 km kaj areon de ĉirkaŭ 1750 km² sed pro arta digado kaj sekigo nun restas nur ĉirkaŭ 1200 km².

La urbo San-Francisko situas sur la kabo de la duoninsulo, kiu formas la sudan flankon de la markolo. Aliaj urboj proksime de la golfo estas Oakland, Berkeley kaj San José.

Norde la golfo transiras en la San-Pablo-Golfon, en kiun fluas (tra Suisun-Golfo) la rivero Sakramento.

La golfon transiras kvin aŭtovojaj pontoj:

• Golden-Gate-Ponto (orapordega ponto), de San-Francisko norden al Sausalito. Pendoponto.
• ponto inter Richmond kaj San Rafael, norde. Kantilevra. Duetaĝa.
• Golfa Ponto inter San Francisko kaj Oakland. Du-parta; miksa tekniko.
• ponto inter Hayward (Kalifornio) kaj San Mateo.
• Dumbarton-ponto inter Menlo Park kaj Newark.
• Krome estas fervoja ponto en la suda parto, sed ĝi ne estas uzata.

La spino de la publika trafiko inter San-Francisko kaj la orienta flanko de la golfo estas la sistemo BART. Sude de San-Francisko trafikas la trajnoj de Caltrain.

La regiono ĉirkaŭ la sudo de la golfo estas nun konata kiel la Silicia Valo.

La golfon en horloĝa direkto ĉirkaŭas la kaliforniaj kantonoj Marin nordokcidente, Sonoma kaj Napa norde, Solano, Contra Costa kaj Alameda oriente, Santa Clara kaj San Mateo sude kaj la urbo San-Francisko sudokcidente. En la pleja okcidento la golfo per la orpordega markolo, superpontata per la Golden-Gate-Ponto, ligiĝas al la Pacifika Oceano.

Vidu ankaŭ

• Ora Pordego
• Areo de la Golfeto de San-Francisko

Bildaro

• 
  La golfo de San-Francisko, vidata el satelito
• 
  la golfa insulo Alcatraz je krepusko

Eksteraj ligiloj

• http://www.spn.usace.army.mil/bmvc Arkivigite je 2006-02-11 per la retarkivo Wayback Machine
• http://www.baycrossings.com/Archives/2001/07_August/barging_in.htm Arkivigite je 2018-08-19 per la retarkivo Wayback Machine
• http://www.sfmuseum.org/hist9/mcgloin.html
• http://response.restoration.noaa.gov/cpr/watershed/sanfrancisco/sfb_html/sfbenv.html