Giuseppe de Fabris (1790 — 1860) estis itala skulptisto de novklasikisma stilo.
Statuo de Sankta Petro, ekster la Baziliko Sankta Petro.
Biografio
Li naskiĝis en Nove en la provinco Vicenza. Lia patro estis direktoro de fabriko de ceramika dekoracio.[1] Li translokiĝis al Romo ankoraŭ junulo, kaj estis patronita de la papo Gregorio la 16-a.[2] Li estis nomumita direktoro de la Vatikanaj muzeoj.[3]
Verkoj
Inter liaj ĉefaj verkoj en Romo estas la jenaj:
- Monumentoj kaj bustoj en la Sala Maggiore, Protomoteca Capitolina
- Monumento al Francesco Guglielmi, preĝejo de Santi Ambrogio e Carlo al Corso
- Monumento al Prasedo Tomati Robilant, preĝejo de Sant'Andrea della Valle
- Monumento al kardinalo Francesco Fontana, preĝejo de Santi Biagio e Carlo ai Catinari
- Monumento al kardinalo Placido Zurla, preĝejo de San Gregorio al Celio
- Busto de Leono la 12-a, preĝejo de Santa Maria en Cosmedin
- Monumento al Antonio Maria Traversi, Baziliko Sankta Maria la Granda
- Monumento al Torquato Tasso, preĝejo de Sant'Onofrio
- Monumento al Giuseppe Vitelli, preĝejo de San Rocco all'Augusteo
- Busto de la papo Leono la 12-a, klostro de San Cosimato
- Busto de Rafaelo; mem-portreto; Busto de la papo Gregorio la 16-a, Panteono, Congregazione dei Virtuosi
Fontoj
