Ĉi tiu artikolo temas pri la poeto
Gallo. Por informoj pri la samnoma sanktulo, vidu
la artikolon ''Sankta Gallo''.
- Atentu: ne konfuzu kun Gaŭlo.
Gajo Kornelio Gallo vivis de 69-26 a.Kr. Li verkis multe da elegia poezio. Precipe li famiĝis pro siaj kantoj pri la bela amata Likora.
Laŭ multaj estis li, kiu sciis konvinki Oktavianon, la pli postan unuan imperiestron de Romo (kiun kutime ni nomas Aŭgusto), ke li indulgu la gepatran agron de Vergilio okaze de la agra reformo de 41 a.Kr.
Iamaniere - ni ne scias kiel - li perdis la gracon de Aŭgusto, kiu igis bruligi ĉion, kion verkis Gallo.
Gallo pro tio sinmortigis.
Por honori tiun ĉi unuan kondamnitan poeton de Romo, Antologio Latina enhavas je paĝo 330 en la dua volumo kvar versojn, atribuitajn al Gallo.
Samtempuloj konsideris lin grandioza poeto.
