Federacia Universitato de Paranao estas universitato, ties nomo portugale estas Universidade Federal do Paraná (UFPR). Ĝi estis kreita en la jaro 1912. UFPR situas en Kuritibo, ĉefurbo de Paranao, sudorienta ŝtato de Brazilo. Temas pri la plej aĝa universitato de Brazilo kaj pri simbolo de la urbo Kuritibo.
Ekde 2005 Esperanto estas instruata en Centro de Lingvoj kaj Interkulturo (CELIN, "Centro de Línguas e Interculturalidade") de la Federacia Universitato de Paranao).[1][2] En 2009 Ivan Eidt Colling, docento pri elektroinĝenierarto, komencis instrui tie kiel volontulo; ekde 2013 li estas kunordiganto de la projekto "Esperanto - lingvo kaj kulturo". Ankaŭ laboris/laboras kiel volontulaj instruistoj en CELIN: Matheus Artioli Firmino en 2011, Thiago Machado da Silva dum du monatoj de 2011 kaj dum 2012 kaj Jônathas Barros ekde 2014. Antaŭaj instruistoj estas Leonardo Janz, Daniel Haddad kaj Carlos Alfredo de Oliveira Andrade.
Referencoj
Eksteraj ligiloj
