PROFILBARU.COM

Endre Nemes
Persona informo
Naskonomo	Nágel Endre Imre
Naskiĝo	10-an de novembro 1909; en Pécsvárad
Morto	22-an de septembro 1985 (75-jaraĝa); en Stokholmo
Lingvoj	sveda
Ŝtataneco	Svedio
Familio
Edz(in)o	Britt-Louise Sundell (en)
Okupo
Okupo	pentristo ; grafikartisto ; poeto ; instruisto ; skulptisto ; karikaturisto
	v • d • r

Endre NEMES [nemeŝ], laŭ hungarlingve kutima nomordo Nemes Endre estis hungardevena sveda pentristo, grafikisto, karikaturisto. Lia origina familia nomo estis Nágel ĝis 1928.

Endre Nágel [1] naskiĝis la 10-an de novembro 1909 en Pécsvárad (Hungario), li mortis la 22-an de septembro 1985 en Stokholmo (Svedio).

Biografio

Endre Nemes devenis el juda familio. Li vivis komence en Hungario, poste en Ĉeĥoslovakio. Li finis la gimnazion en Budapeŝto en 1927, poste li iris al Vieno por studi filozofion. Post kelkaj monatoj li revenis al Ĉeĥoslovakio, kie li estis ĵurnalisto. De 1928 ĝis 1930 li laboris kiel karikaturisto en Prago, inter 1930 kaj 1935 li studis en la akademio de belartoj, krome li estis ankaŭ kritikisto de hungaraj gazetoj. En 1933 li estis en Parizo helpe de stipendio. En 1938 pro la nazioj li rifuĝis al Helsinko, kie li instruis pentradon 2 jarojn. En 1940 li estis forigita al Norvegio, post alveno de la germana armeo li rifuĝis al Svedio. En 1948 li ricevis svedan ŝtatanecon, inter 1947–1955 li estis lernejestro en Göteborg. Li studvojaĝis al Hispanio (1951), Italio (1953) kaj Grekio (1963). En 1983 li donacis pentraĵojn al muzeo en Pécs. Li edziĝis dufoje. Li ricevis svedajn kaj japanan premiojn.