„ Interesaj pensoj kaj konstatoj el ĉiuj terenoj de la vivo, ankaŭ el la vivo de Esperantistoj, verkita en taglibra formo. Aranĝis por preso: V. Bleier, K. Kalocsay kaj L. Totsche. ”
„ Pensoj pri Esperanto - lingvo kaj movado, kelkaj valoraj, kelkaj strangaj. Miksaĵo kiu tamen pentras la bildon de viro kiu iras tra la vivo observeme, grimpas supren kaj malsupren laŭ ĝia ŝtuparo kaj havas notlibron kaj krajonon proksime ĉe la mano. Se ne por junuloj li verkas. Oni devas atendi pri tio. Entute ĝia enhavon estas malaprobinda. ”
„ Ĉi tiu libro verkita de bone konata angla Esperantisto havas intereson kaj por anglaj kaj por alilandaj samideanoj. Kelkfoje la notoj priskribas unike anglajn aŭ eĉ londonajn personojn kaj kutimojn; «kelkfoje, per kritiko laŭ pli vasta vidpunkto, la verkisto montras, ke li simpatie komprenas la kulturojn de multaj landoj. Per la vipo de kritiko li ankaŭ trafe skurĝas kelkajn fazojn de nia movado.
Amikareto en Budapest faris la elekton el notlibro farita de la aŭtoro inter la fino de 1931 kaj la mezo de 1932. Tre atentindaj estas kelkaj lingvaj kritikoj, precipe rilate al la tro nepreciza aŭ nelogika signifo de kelkaj vortoj en nia lingvo, kiel ekzemple movado (la movado stagnas). Tamen la aŭtoro ne sukcesis eviti kelkajn erarojn. Ekzemple, li uzas la vorton homoseksa por signifi '“homosexual”, kvankam en la sama paragrafo li uzas la vorton samseksama.
La neologismoj estas malmultaj, kaj aparte de esteta anstataŭ estetika ili estas diskrete uzitaj. ”
