Eeklo (nederlande, proksimuma prononco [E:Klo:]) estas municipo en Belgio, en la nederlandlingva provinco Orienta Flandrio. Komence de januaro 2016 la municipo havis 20 561 loĝantojn. Temas pri unu el la 133 municipoj, kiuj ricevis la honortitolon "urbo". Ĝi ricevis la titolon en 1240.
La arbaro "Het Leen" estas provinca areo kaj troviĝas parte en Eeklo. Ĝis 1973 la arbaro apartenis al la armeo, sed poste ĝi fariĝis provinca posedaĵo. Tie estas 36 kilometroj da promenvojoj kaj du muzeoj (pri loka historio kaj pri la arbaro). En la unua estas permanenta ekspozicio pri papilioj kaj fungoj.
