Ĝi estas en la komarko Axarquía [aĥarKIo]. Ĝi estas sur la deklivaro de la Montoj de Malago je 703 metroj super la marnivelo. Comares estas unu de la 31 vilaĝoj kiuj kune formas la komarkon Axarquía. Ĝi estas konata kiel "Balcón de la Costa del Sol" (Balkono de la Suna Marbordo).
Ĝi limas kun: N kun la municipo Riogordo, N, NE kaj E kun Cútar, S kun la municipo El Borge, SO kaj O kun la municipo Malago kaj NO kun la municipo Colmenar.
La urba kerno estas sur nekruta deklivo, sur la kresto de ja kruta monto, je 703 m de alto. Distas 25 km el Vélez-Málaga kaj 39 km el la provinca ĉefurbo Malago. La loko estas plena je ravinoj kaj disaj domaroj kaj kampardomoj ĉirkaŭ la monto. La plej alta punkto estas la monteto Mazmúllar (721 m). Trafluas la teritorion la rivero Cueva aŭ Benamargosa, al kiu alfluas la rojoj Cútar, Fuente Delgada kaj Solano, sekaj la plej parto de la jaro. La akvo por la liverado al la vilaĝo devenas de la fontoj Delgá, Gorda, Caño Seco kaj Maroto.
.svg)
.svg){kind=small}
