La Centra Parka Zoo aŭ Centraparka Bestoĝardeno, en angla Central Park Zoo, estas malgranda 6,5-akrea (2.6 ha) zoo situanta sur Centra Parko en Novjorko, Usono. Ĝi estas parto de integra sistemo de kvar zooj kaj la Novjorka Akvario administrita fare de la Wildlife Conservation Society (WCS), kaj estas akreditita fare de la Association of Zoos and Aquariums (Unuiĝo de zooj kaj Akvarioj, AZA).
La zoo komencis en la 1860-aj jaroj kiel menaĝerio, igante ĝin la unua oficiala zoo se temas pri malfermiĝo en Novjorko. La zoo estis modifita en 1934, kun la aldono de multaj novaj konstruaĵoj en kvarangulo ĉirkaŭ la marleona naĝejo. (La zoo de tiu epoko estis ofte konata kiel la "Zoo de 1934" aŭ "de Roberto Moseo". ) Finfine, la zoo estis renovigita en la mezo de la 1980-aj jaroj kaj remalfermiĝis en 1988, anstataŭigante la malmodernajn kaĝojn per naturalismaj medioj.
Areoj
La ekranejoj estas organizitaj ĉirkaŭ centra kvadrata ĝardeno kun kvadrata marleona naĝejo en la centro [1].
En 2004, du maskloj de Antarkta pingveno nome Roy kaj Silo formis parligon kaj laŭvice klopodis “kovi” rokon; tiu estis anstataŭata de zorgisto pere de fruktodona ovo, kaj la paro sekve elovigis kaj zorgis la idon. Pingvenoj nature kovas ovojn kaj estas sociaj bestoj. Porinfana libro nome And Tango Makes Three estis verkita baze sur tiu okazo.
