La Bestoĝardeno de Cincinnati, laŭ oficiala nomo en angla Cincinnati Zoo and Botanical Garden estas unu el plej malnovaj bestoĝardenoj en Usono, kiu situantas en Cincinnati, Ohio. Ĝi malfermiĝis en 1875, ĝuste 14 monatojn post la Filadelfia Bestoĝardeno kiu malfermiĝis la 1an de julio1874. La Reptiliejo estas la plej malnova bestoĝardena konstruaĵo en Usono, date el 1875.
La Bestoĝardeno de Cincinnati situantas en la kvartalo de Cincinnati nome Avondale. Ĝi estis fondita en tereno de 26.5 ha en la mezo de la urbo, kaj ekde tiam ĝi akiris kelkajn el ĉirkaŭajn terenojn kaj kelkajn rezervejojn en la ekstera ĉeurbo de Cincinnati. La Bestoĝardeno kondukas bredoprogramojn, kaj estis la unua kiu sukcese bredis Kaliforniajn marleonojn. La Bestoĝardeno de Cincinnati havas aliajn bredoprogramojn kiaj tiujn de gepardoj, la Sumatra rinocero, la Malaka tigro, la Okcidenta gorilo, Perodiktikoj, kaj la Masaja ĝirafo. La Bestoĝardeno de Cincinnati estis hejmo de Martha, nome la lasta vivinta Migrokolombo, kiu mortiĝis en 1914. Ĝi estis hejmo ankaŭ de la lasta vivinta Karolina konuro en 1918. Vizitantoj povas viziti la Zoon kaj Botanikan Ĝardenon ĉiutage de 10:00 a.m. ĝis 5:00 p.m.[2]
La Bestoĝardeno de Cincinnati estas membro de la Association of Zoos and Aquariums (AZA), kaj membro de la Monda Asocio de Bestoĝardenoj kaj Akvarioj (WAZA).
