La Avenuo General Paz estas grava aŭtovojo por aŭtoj inter la urbo kaj la provinco Bonaero.Gravaj lokoj de la Avenuo General Paz. La ruĝaj romboj indikas benzinejojn, la oranĝaj kvadratoj ĉiovendejojn kaj la bluaj cirkloj aliajn interesaĵojn.
La Avenuo General Paz aŭ Avenuo Generalo Paco kaj en hispana Avenida General Paz estas aŭtovojo de 24,3 km de etendo en la urbo Bonaero, Argentino. Ĝi ekas ĉe la Avenuo Lugones proksime al la Rivero Plata kaj finas ĉe la Ponto de la Norio super la Rivero Riachuelo tute ĉe la limo inter la urbo Bonaero kaj la Provinco Bonaero, formante la ĉefan parton de tiu limo. Ĝi pluas sudorienten de la ponto de La Norio laŭ la nomo populara de Camino Negro, kiu estas alia aŭtovojo. Estas uzata ĉefe kiel alirejo al la urbo Bonaero fare de la loĝantoj de la zonoj norda kaj okcidenta de la Granda Bonaero, kaj de la veturiloj kiuj veturas el aŭ al la nordo kaj okcidento de la lando.
La Avenuo General Paz estas la komunikvojo surtera kun pleja kvanto de trafiko inter ĉiuj enlandaj vojoj, superita nur de mallonga aro de la Nacia Ŝoseo 9 inter tiu avenuo kaj la Provinca Ŝoseo 4 de Bonaero nome Camino de Cintura.[1]
