La Araba Demokratia Sahara Respubliko (ADSR; en arabaالجمهورية العربية الصحراوية الديمقراطية, konata ankaŭ kiel Okcidenta Saharo, kvankam temas pri malsamaj konceptoj) estas ŝtato sen propra teritorio formita de la antikva hispana provinco kaj kolonio de Hispana Saharo kiu estis okupita en 1976 de Maroko kaj Maŭritanio kaj komplete aneksita de Maroko en aŭgusto de 1979, kiam rezignis Maŭritanio al la okupita de ĝi zono.
La loĝantaro de la okupita teritorio rifuĝigis en rifuĝejoj de najbara Alĝerio kaj tie konstituis ĝermon de estonta ŝtato kun registaro, armeo, edukaj instancoj, sanitara servo ktp. La rifuĝejoj havas nomojn de urboj de Okcidenta Saharo. Tiu sistemo survivis dum la lasta kvarono de la 20a jarcento danke al permeso de Alĝerio kaj al la helpo de eŭropaj ŝtatoj aŭ organizoj, inter ili Hispanio.
La ADSR estas agnoskata de 82 ŝtatoj kaj de la Afrika Unio.
El-Uali Mustafa Sajid estis unua Prezidento de la Araba Demokratia Sahara Respubliko.
1976, Hispanio abandonis la teritorion de Okcidenta Saharo; reklamis ĝin kaj Maroko kaj Maŭritanio, kaj opoziciis la sahara partio Fronto Polisario. Maroko invadis el nordo la teritorion kaj bombardis la lokan loĝantaron dum ties fuĝo al translimaj teritorioj en Alĝerio. Komencas milito de Maroko kontraŭ Polisario kaj inverse.
1979, Maŭritanio post anekso de eta havena parto rezignas pri la resto; Maroko okupis ĝin.
1988, Maroko kaj Polisario akceptas militpaŭzon fare de Unuiĝintaj Nacioj.
