Anna Kéthly studis en bazlernejo, poste ŝi eklaboris en 1907. Ŝi aliĝis al sindikato en 1913, al socialdemokratoj en 1917. Inter 1922-1948 ŝi estis parlamenta deputito, kie ŝi interpelaciis por la virinoj, laboristoj, sanaferoj, sed ankaŭ por Esperanto. Tiutempe ŝi ankaŭ verkis artikolojn al diversaj gazetoj. Ŝi akre kritikis la faŝismon, oni nomis ŝin Jeanne d’Arc. Ŝia fama eldiro estis: "Kiu timas, estu sukeraĵisto!" Dum la faŝisma periodo ŝi kaŝis sin. Komence de la socialismo ŝi trovis sin en prizono. En 1956 dum la revolucio ŝi estis ministro por tagoj, dum atako de Ruĝa Armeo ŝi estis en Vieno, tial ŝi restis libera. Poste ŝi iris al UNO por defendi la hungaran revolucion, fine ŝi vivis plu en Belgio.
.JPG)
