Agnesa el Potevo (france Agnès de Poitiers; naskiĝis en la 6-a jarcento, mortis en 588 en Potevo) estis abatino franca kaj sanktulino de la Katolika Eklezio. Ŝi estis adoptofilino, eble eĉ nur edukofilino de reĝo Klotaro la 1-a kaj de ties edzino Radegundo.
En la de sia patrina amikino fondita Monaĥinejo Sankta Kruco en Potevo ŝi fariĝis la unua priorino. Tie ŝi enkondukis la regulojn de Sankta Cezario el Arles estrante la konventon kun saĝeco kaj klarvida prudento. Same kiel Radegundo ŝi havis amikajn kontaktojn kun Venantius Fortunatus,[1] en kies verko ŝia persono ja postlasis klarajn spurojn.[2]
Ŝia festotago estas la 13-a de majo. Ŝi mortis kun la samordenanino Disciole; ŝian konsekron je virgeco faris la sanktulo kaj episkopo Germanus el Autun.
Referencoj
Eksteraj ligiloj
