Pola tombejo en Sanok dum Ĉiuj SanktulojPola tombejo dum Ĉiuj Sanktuloj
Ĉiuj Sanktuloj antaŭas la tagon de la mortintoj, kiun oni festas la 2-an de novembro kaj pro tio multfoje oni rilatas ambaŭajn senrilatajn festojn; tre ofte homoj popole uzas la nomon de Ĉiuj Sanktuloj por aludi al ambaŭaj aŭ nur plej ofte al la tago de la mortintoj, kiu pro tabuaj kialoj ne estas tiom facile aŭ agrable direbla.
Historio
Ĉiuj Sanktuloj, kiel la plej multaj grandaj liturgiaj festoj, ne devenas de la Biblio. Dum la 5-a jarcento, monaĥoj, kiuj kristanigis Irlandon, Brition kaj Gaŭlion, spertis la tradician feston Saveno komence de novembro, kiu anoncis la malhelan duonon de la jaro, tio estas vintro, la fino de la rikoltsezono. Dum la savenaj tagoj, la keltoj kredis ke la mondo de la vivantoj komunikiĝis kun tiu de la dioj je simbola nivelo. Dum tiu festo okazis multaj druidajritoj, bankedoj kaj drinkado. Tiuj ritoj, firme ankritaj en la kampara kulturo daŭris longe post kristanigo de la popoloj.
