Ödön Kerpel-Fronius, laŭ la hungara skribmaniero Kerpel-Fronius Ödön (malofte Kerpel-Frónius Ödön) estis hungara kuracisto pri beboj, do subfakiĝo de pediatro fake nomata neonatologo, profesoro kaj ordinara membro de Hungara Scienca Akademio.
Ödön Kerpel-Fronius naskiĝis la 14-an de januaro 1906 en Hungario, en Versec (nuntempa Vršac en Serbio). Li mortis la 22-an de aprilo 1984 en Okcidenta Berlino.
Biografio
Ödön Kerpel-Fronius frekventis universitatojn en Budapeŝto, Vieno, Munkeno kaj Parizo. En 1928 li aliĝis al kuracista stabo de Pál Heim en la universitato, kie li kuracadis kaj instruis. Inter 1933–1934 li esploris en Universitato Harvard. Hejmenveninta li daŭre kuracadis kaj instruis en Budapeŝto, ekde 1946 en Pécs. En 1976 li denove daŭris sian laboron en Budapeŝto havanta altajn postenojn. Li ricevis premion Kossuth en 1951, poste ankaŭ aliajn (eĉ francan) premiojn.
Verkaro (elekto)
- A só- és vízforgalom zavara 1939
- A csecsemőkori decompositio pathogenesise 1953
- Les déshydrations infantiles 1955
- Gyermekgyógyászat (Kuracado pri infanoj) 1969
- The pathophysiology of infantile malnutrition: Protein-energy malnutrition and failure to thrive 1983
Memorigiloj
Malsanulejo en Baranya prenis la nomon "Kerpel-Fronius Ödön"
Fontoj
