Marco Belinelli (San Śvan, 25 ad Mars dal 1986, a s lèś [ˈmarko beliˈnɛlli] in Itagliàn) 'l è 'n śugadōr ad basket emigliàṅ, ùnic itagliàṅ a 'vér vins al tìtul NBA americàṅ. 'L à anc purtâ a cà la gara di tir da tri punt in dal 2014.
Marco 'l è élt 196 cm, al péśa nuànta chilo e 'l sò rōl in camp 'l è qvél dla guàrdia.
In Itàglia al s è mis adòs la canutéra dal dū squàdri 'd Bulógna, la Virtus (stagiòṅ 2002-2003) e dla Furtitùdo (stagiòṅ 2003-2007) vinsénd al scudét in dal 2005. In dal 2007 al và a śugàr p'r i americàṅ in di Golden St. Warriors. Dòp avér cambiâ soquànti squàdri, cuma i Toronto Raptors e i Chicago Bulls, in dal 2013 al pasa c'n i San Antonio Spurs vinsénd sèg al tìtul dal 2014.
Par la nasiunàł 'l à śugâ da piò ad sènt-déś partìdi faghénd da piò ad mila-siesènt punt.