«
Stanòt la pità la sarà saplìda c'n al pasâ.»
(Tagline dal film)
La morte e la fanciulla (La mòrt e la baghéta) 'l è 'n film dramàtic dal 1994 ad Roman Polański cun la futugrafìa 'd Tonino Delli Colli.
La pelìcula, trata da 'l umònim lavōr teatràł 'd Ariel Dorfman, l'à fat sù tri migliòṅ e òṅ ad dòlar dòp ès'r-an custàda dódas.
Sunt
In un paéś dl'Amèrica dal Sud, dòp la fîṅ dla ditadùra, 'l avucàt Gerardo Escobar (Stuart Wilson) al ciàpa 'l incàr'g ad far dgl'indàśin su di crìmin ch'i gh'èṅ stâ lè a séguit dal còlp ad stat. Anc sò mujēr, la Paulina (Sigourney Weaver), l'è stada vitma in alóra 'd turtùri e 'd viulénsa carnàla. La dóna i la ciulàvan miténd sù na caséta dl'òpra La mòrt e la baghéta ad Franz Schubert e chi lē la n è mai stada bòna 'd pasàr 'd sōv'r a 'l tràuma ch'l'à patî.
Na sirà Gerardo al tórn' a cà cumpagnâ in màchina da 'l dutōr Roberto Miranda (Ben Kingsley) ch'al gh'à dâ vluntéra na scarusàda dòp ch'l éra armàś a pē. Sinténd la sò vóś la Paulina l'arcgnós 'l óm ch'al l'iva turturàda e la decìd ad far-'g-la cagàr s'al fus anc in bras a Dio.
Culegamènt estéran