PROFILBARU.COM

C'l artìcul chè 'l è scrit in Miranduléś

Àqui scûri 2005
Dark Water
Dark Water
La Connelly e l'Ariel Gade in na figùra dal film
Regìa: Walter Salles
Scritōr: Kôji Suzuki • Hideo Nakata Takashige Ichise • Rafael Yglesias
Atōr: Jennifer Connelly • Ariel Gade • Tim Roth John C. Reilly • Dougray Scott • Pete Postlethwaite
Müsica: Angelo Badalamenti
Léngua: Ingléś
Dürä dal film: 105 minüt
Nasiōṅ: Stat Unî

«

Sèrt mistēr a n gh sarév briśa da risólv'r-i.»

(Tagline dal film)

Dark Water (Àqui scûri) 'l è 'n film ad scarésa dal 2005 ad Walter Salles, arfacimènt 'd un film giapunéś ad tri an prima 'd Hideo Nakata c'n un tìtul cumpàgn, (仄暗い水の底から).

La pelìcula l'à fat sù dagnóra sinquànta migliòṅ ad dòlar dòp ès'r-an custàda trénta.

Sunt

Bandunàda da putìna e divursiàda da sò marè Kyle (Dougray Scott), la Dahlia (Jennifer Connelly) la decìd 'd andàr a star insém a sò fiōla Ceci (Ariel Gade) in un palàs lòfi a Roosevelt Island (Manhattan) ad pruprietà dal suvrintendènt Veeck (Pete Postlethwaite) e 'd un tisi ciamâ Murray (John C. Reilly).

Na nòt la Dahlia la fà a mènt che da 'l sufìt dla sò cambra da lèt i vìnan śò dal gósi 'd àqua scûra e la decìd dònca 'd andàr a véd'r in dal piàṅ ad sōvar cuśa 'l è drē a sucédar. La dóna la cata 'l apartamènt, ch'l éra dna famìja rusa, vōd e pîṅ 'd àqua. Dòp avēr sarâ i rubinét la Dahlia la s rénd cònt ch'al śainét che la Ceci l'iva catâ in dal balcòṅ 'l éra dla Natasha (Perla Haney-Jardine), la fiōla 'd cla famìja 'd rus lè, mòrta andgàda in cistèrna lasàda vèrta da Veeck.