Spooks

Spooks
Genre	Ysbiwyr
Serennu	Peter Firth Rupert Penry-Jones Hugh Simon Miranda Raison Alex Lanipekun
Gwlad/gwladwriaeth	Y Deyrnas Unedig
Iaith/ieithoedd	Saesneg
Nifer cyfresi	7
Nifer penodau	56
Cynhyrchiad
Amser rhedeg	60 munud
Darllediad
Sianel wreiddiol	BBC1
Dolenni allanol
Gwefan swyddogol

Mae Spooks yn gyfres ddrama deledu Prydeinig sydd wedi ennill Gwobr BAFTA. Caiff y rhaglen ei chynhyrchu gan y cwmni annibynnol Kudos ar gyfer BBC1. Tarddai'r teitl o'r enw bob dydd a roddir ar ysbiwyr am fod y gyfres yn dilyn hynt a helynt grŵp o ysbiwyr MI5 yn Thames House wrth iddynt weithio. Yn yr Unol Daleithiau a Ffrainc darlledwyd y gyfres o dan yr enw MI-5. Yn wreiddiol, darlledwyd y gyfres yng Nghanada o dan yr enw MI5 ond mae bellach yn cael ei ddarlledu ar BBC Canada fel "Spooks". Crëwyd y gyfres gan yr ysgrifennydd David Wolstencroft.

Yn rheolaidd, mae'r gyfres wedi denu actorion poblogaidd fel gwestai i'r gyfres. Mae'r perfformwyr hyn yn cynnwys Hugh Laurie, Tim McInnerny, Ian McDiarmid, Jimi Mistry, Andy Serkis, Andrew Tiernan, Anton Lesser, Alexander Siddig ac Anthony Stewart Head.

Y Cast

Mae'r prif gymeriadau sy'n ymddangos yn barhaus yn cynnwys:

Y Prif Gymeriadau ar hyn o bryd

Y Grid

• Sir Harry Pearce (Peter Firth; 2002–) - Pennaeth yr Adran Gwrth-Derfysgaeth,^[1], MI5.
• Lucas North (Richard Armitage; 2008-) - Pennaeth Adran ac Uwch-Swyddog Achos, Adran D^[2]
• Ruth Evershed (Nicola Walker; 2003–2006, 2009—) Uwch Ddadansoddwraig Gwybodaeth, Adran D ^[3]
• Tariq Masood (Shazad Latif; 2009—) Technegydd a Dehonglydd Data, Adran D ^[4]
• Beth Bailey (Sophia Myles; 2010—) Is-Swyddog Achos, Adran D ^[5]
• Dimitri Levendis (Max Brown; 2010—) Cyn-filwr "Special Boat Service", Swyddog Morladraeth a Therfysgaeth, Adran D ^[6]

Eraill

• Nicholas Blake (Robert Glenister; 2006–) - Ysgrifennydd Cartref Prydain
• Juliet Shaw (Anna Chancellor; 2005–) - Cydlynydd Diogelwch Cenedlaethol / Pennaeth Yalta, statws ansicr

Cyn-brif gymeriadau

• Oliver Mace (Tim McInnerny; 2004, 2006) - Cadeirydd y Gweithgor Gwybodaeth Gudd.
• Bob Hogan (Matthew Marsh; 2007) - Cyn Uwch-gysylltydd y CIA â Phrydain
• Dariush Bakhshi (Simon Abkarian; 2007) – Is-gennad Arbennig Iran
• Tessa Phillips (Jenny Agutter; 2002–2003) - Uwch Swyddog Achos, Adran K. Gadawodd y Grid wedi i MI5 ddarganfod ei bod yn fradwr.
• Tom Quinn (Matthew Macfadyen; 2002–2004) - Uwch Swyddog Achos, Adran D. Dad-gomisiynwyd am beryglu menter allweddol.
• Zafar Younis (Raza Jaffrey; 2004–2007) - Îs-swyddog Achos, Adran D. Lladdwyd tra'n cael ei arteithio.
• Fiona Carter (Olga Sosnovska; 2004–2005) - cafodd secondiad i MI5 o MI6. Saethwyd gan ei chyn-wr a bu farw ym mreichiau Adam.
• Danny Hunter (David Oyelowo; 2002–2004) - Îs-swyddog Achos, Adran D. Lladdwyd gan derfysgwr.
• Zoe Reynolds (Keeley Hawes; 2002–2004) - Îs-swyddog Achos, Adran D. Yn cuddio wedi iddi wneud camgymeriad mewn ymgyrch cudd.
• Helen Flynn (Lisa Faulkner; 2002) - Îs-swyddog Achos. Saethwyd gan ddilynwr grŵp terfysgol.
• Ruth Evershed (Nicola Walker; 2003–2006) - Dadansoddwraig a secondiwyd i MI5 o GCHQ. Ffugiodd ei marwolaeth ei hun.
• Colin Wells (Rory MacGregor; 2002–2006) - Technegydd a Dadansoddwr data. Crogwyd gan MI6.
• Sam Buxton (Shauna Macdonald; 2003–2005) - Swyddog Gweinyddol. Gadawodd y Grid.
• Jed Kelley (Graeme Mearns; 2002) - Swyddog Gweinyddol. Ni welwyd ef yn gadael y gyfres ond awgrymwyd iddo symud i adran wahanol.

Cyfeiriadau

1. "BBC Spooks Personnel – Harry Pearce". Archifwyd o'r gwreiddiol ar 2010-08-04. Cyrchwyd 2010-10-11.
2. BBC Spooks Personnel – Lucas North
3. "BBC Spooks Personnel – Ruth Evershed". Archifwyd o'r gwreiddiol ar 2010-07-25. Cyrchwyd 2010-10-11.
4. "BBC Spooks Personnel – Tariq Masood". Archifwyd o'r gwreiddiol ar 2010-07-25. Cyrchwyd 2010-10-11.
5. http://www.bbc.co.uk/spooks/aps/beth.shtml
6. http://www.bbc.co.uk/spooks/aps/dimitri.shtml