SEAT

Gwneuthurwr ceir Sbaenaidd ydy SEAT, a sefydlwyd ym 1950 gan yr Instituto Nacional de Industria (INI), gyda chymorth gan Fiat, mae erbyn hyn yn un o is-gwmnïau

SEAT
Scaun
Math
cynhyrchydd cerbydau
Diwydiantdiwydiant ceir
Sefydlwyd9 Mai 1950
SefydlyddInstituto Nacional de Industria
PencadlysMartorell
Pobl allweddol
(Prif Weithredwr)
Cynnyrchcar
Refeniw8,784,000,000 Ewro (2020)
PerchnogionVolkswagen AG
Nifer a gyflogir
14,752 (2020)
Rhiant-gwmni
Volkswagen AG
Is gwmni/au
Cupra
Gwefanhttps://www.seat.com/, https://www.seat.fr/, https://www.seat.es/, https://www.seat.de/, https://www.seat.co.uk/ Edit this on Wikidata

Gwneuthurwr ceir Sbaenaidd ydy SEAT, a sefydlwyd ym 1950 gan yr Instituto Nacional de Industria (INI), gyda chymorth gan Fiat, mae erbyn hyn yn un o is-gwmnïau Grŵp Volkswagen, sy'n grŵp Almaenig (gydag Audi a Lamborghini).[1] Lleolir pencadlys SEAT ym Martorell ger Barcelona, Catalwnia.[2] Mae'r enw SEAT yn acronym o Sociedad Española de Automóviles de Turismo (Cymraeg: Cwmni Ceir Teithiol Sbaenaidd).

Erbyn 2000 roedd SEAT yn cynhyrchu dros 500,000 uned y flwyddyn; hyd at 2006 roeddent wedi cynhyrchu cyfanswm o 16 miliwn o geir,[3] gan gynnwys dros 6 miliwn o'r ffatri ym Martorell, ac roedd tri-chwarter eu cynhyrchiad blynyddol yn cael ei allforio i saith gwlad dramor.[4]

Hanes

Cychwynnodd SEAT gan gynhyrchu ceir o fodelau Fiat ond wedi eu hail-fathodynnu, gan amrywio ychydig yn weledol ar gynnyrch y rhiant-gwmni Eidalaidd. Roedd hyn yn cynnwys y SEAT Panda (a ailenwyd yn ddiweddarach yn SEAT Marbella), a oedd yn seiliedig ar y Fiat Panda. Daeth y SEAT 600, a oedd yn seiliedig ar y Fiat 600, yn gar cyntaf ar gyfer nifer o deuluoedd Sbaenaidd, gan ddod yn symbol o'r Gwyrth Sbaenaidd.

Erbyn 1967, SEAT oedd gwneuthurwr ceir mwyaf Sbaen. Yn ystod y flwyddyn honno, roedd Fiat wedi cynyddu eu cyfran yn y cwmni o 6% i 36%. Yr un adeg, lleihaodd cyfran yr Instituto Nacional de Industria eu cyfran rheoli - o 51%, i 32%. Prynwyd y cyfran a oedd yn weddill (32%) gan chwe phrif fanc. Er nad oedd Fiat yn berchennog gyda chyfran reoli, cysidrwyd mai hwy oedd yn rheoli'r cwmni: roedd y cytundeb hefyd yn cynnwys addewid gan Fiat i helpu twf SEAT, a datblygiad model newydd (y SEAT 133 o bosibl).[5]

Yn ystod y cyfnod a ddilynodd, parhaodd y gwneuthurwr i ddomeiddio'r farchnad ceir yn Sbaen, gan gynhyrchu dros 282,698 o geir, mwy na 58% o'r cyfanswm a gynhyrchwyd yn Sbaen, yn 1971 er gwaethaf yr aflonyddwch y flwyddyn honno a achoswyd gan streiciau a llifogydd difrifol yn y gwaith a leolwyd ar yr arfordir ym Marcelona.[6] Ond gyda dim ond 81 o geir i pob mil o bobl yn Sbaen, cysidrwyd fod digonedd o le i ymestyn ymhellach a bu SEAT yn wynebu'r bygythiad o gynnydd yn y gystadleuaeth, gan y bu gwneuthurwyr eraill mawr yn ystyried sefydlu neu ehangu eu cynhyrchiad yn y farchnad Sbaenaidd, a oedd yn parhau i gael ei amddiffyn yn gryf.[6]

  • SEAT 1400 B; 1953
    SEAT 1400 B; 1953
  • SEAT 600; 1966
    SEAT 600; 1966
  • Seat 850 Sport Coupé; 1968-1971)
    Seat 850 Sport Coupé; 1968-1971)
  • SEAT Ibiza Mk1.; 1984
    SEAT Ibiza Mk1.; 1984
  • Seat Cupra GT; 2011
    Seat Cupra GT; 2011

Yn ystod yr 1980au cynnar, bu trafodaethau helaeth ynglŷn ag ariannu a rheolaeth y cwmni, rhwng y prif cyfranddaliwr, sef llywodraeth Sbaen, a Fiat: roedd SEAT angen buddsoddiad cyfalaf mawr ond nid oedd Fiat yn fodlon gwneud y buddsoddiad hwn. Ym 1982, daeth y berthynas rhwng Fiat a SEAT i ben wedi dros 30 mlynedd. Y SEAT Ronda oedd y car newydd cyntaf i gael ei gynhyrchu gyda bathodyn newydd SEAT heb ymglymiad Fiat ym 1982. Roed hwn yn fersiwn o'r Fiat Ritmo ond wedi ei ail-steilio, ac achosodd hyn i Fiat gychwynachos cyfreithiol yn erbyn SEAT, gan eu bod yn honni ei fod yn llawer rhy debyg i'r Ritmo. Er mwyn dod a'r ddadl i ben, dangosodd llywydd SEAT, Juan Miguel Antoñanzas, gar Ronda i'r wasg gyda'r holl ddarnau a oedd yn wahanol i'r Rimto wedi eu paentio mewn melyn llachar er mwyn tynnu sylw at y gwahaniaethau. Bu sôn ar y pryd mai'r rheswm fu Fiat mor flin, oedd gan fod dyluniad y Ronda yn debyg iawn i'r ail-steilio roeddent wedi bwriadu ei gynhyrchu ar gyfer y Fiat Ritmo, a bu'n rhaid iddynt ei sgrapio.

Ychydig flynyddoedd wedi i Fiat dynnu allan o'r cwmni, arwyddodd Audi AG, un o is-gwmnïau Grŵp Volkswagen, gytundeb i gydweithredu gyda SEAT, gan ddod yn gyfranddaliwr mawr ym 1986, ac yn berchennog ar 100% o'r cwmni ym 1990. Yn ystod canol y 2000au, trosglwyddwyd perchnogaeth SEAT o'r is-gwmni Audi AG, fel ei bod yn is-gwmni uniongyrchol i'r cwmni daliad Volkswagen AG.

Dewis modelau

Modelau cynnar

Y SEAT Marbella, un o fodelau cynharaf SEAT.
  • SEAT 600|600/800
  • SEAT 850|850
  • SEAT 1200 Sport|1200 Sport
  • SEAT 1400|1400
  • SEAT 1430|1430
  • SEAT 1500|1500
  • SEAT 124|124
  • SEAT 127|127
  • SEAT 128|128
  • SEAT 131|131
  • SEAT 132|132
  • SEAT 133|133
  • SEAT Fura|Fura
  • SEAT Panda|Panda
  • SEAT Ritmo|Ritmo
  • SEAT Ronda|Ronda
  • SEAT Terra|Terra
  • SEAT Inca|Inca
  • SEAT Málaga|Málaga
  • SEAT Marbella|Marbella
  • SEAT Arosa|Arosa
  • SEAT Córdoba|Córdoba
  • SEAT Toledo|Toledo

Modelau cyfredol

Y SEAT Ibiza, y car SEAT sy'n gwerthu fwyaf.

Enwir y modelau cyfredol ar ôl enwau llefydd Sbaenaidd fel rheol.

Modelau cysyniadol

  • SEAT Proto|Proto T (1989) & C , TL (1990)
  • SEAT Concepto T|Concepto T (1992) & Cabrio (1993)
  • SEAT Bolero|Bolero (1998)
  • SEAT Formula|Formula (2000)
  • SEAT Salsa|Salsa/Salsa Emoción (2000)
  • SEAT Tango|Tango/Tango Racer (2001)
  • Seat Cupra GT|Cupra GT (2003 )
  • SEAT Altea Freetrack|Altea Freetrack prototeip (2007)
  • SEAT Tribu|Tribu prototype (2007)
  • SEAT Bocanegra|Bocanegra (2008)
  • SEAT León Twin drive|León Twin drive 2009)

Cyfeiriadau

  1. ↑ "Company History 1979–1950". SEAT.com. Archifwyd o'r gwreiddiol ar 2010-12-06. Cyrchwyd 2010-03-09.
  2. ↑ "Volkswagen Group Audi Brand Group". Volkswagenag.com. Cyrchwyd 2012-02-05.[dolen farw]
  3. ↑ "SEAT produces car number 16 million since its beginnings". Media.seat.com. 2008-01-25. Archifwyd o'r gwreiddiol ar 2011-07-19. Cyrchwyd 2010-03-08.
  4. ↑ "SEAT is exporting approximately 75% of its production to 72 countries". Seat.com. Archifwyd o'r gwreiddiol ar 2010-12-06. Cyrchwyd 2012-02-05.
  5. ↑ (26 Ionawr 1967) News and Views: Fiat control Seat, Cyfrol 126, Rhifyn 3702. Autocar, tud. 46
  6. ↑ 6.0 6.1 Charles Bulmer (gol.) (22 Ebrill 1972). Motorweek: Car losses hit SEAT, Rhifyn 3640. The Motor, tud. 56

Dolenni allanol

Comin Wikimedia
Comin Wikimedia
Mae gan Gomin Wikimedia
gyfryngau sy'n berthnasol i:
Eginyn erthygl sydd uchod am Sbaen. Gallwch helpu Wicipedia drwy ychwanegu ato

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.