PROFILBARU.COM

Robin Llwyd ab Owain
Robin Llwyd ab Owain
Llais	Robin Owain Llais cy.ogg
Ganwyd	Mehefin 1958 ; Cynwyd
Man preswyl	Rhuthun
Dinasyddiaeth	Cymru
Galwedigaeth	bardd, llenor, cyhoeddwr, Wicipediwr
Tad	Owain Owain
Gwobr/au	Cadair yr Eisteddfod Genedlaethol

Bardd ac Enillydd Cadair Eisteddfod Genedlaethol Cymru Bro Delyn 1991 yw Robin Llwyd ab Owain (ganwyd Mehefin 1958; enw barddol: Robin Llwyd). Ysgrifennodd yr awdl Merch Ein Amserau mewn dull modern ac yn ôl un o'r beirniad Eirian Davies yn ei feirniadaeth yn y cyfansoddiadau, roedd yr awdl yn "torri tir newydd".

Mae o hefyd wedi ysgrifennu geiriau caneuon e.e. Pedair Oed (Rhys Meirion) a Brenin y Sêr (Bryn Terfel). Ysgrifennodd sgript a geiriau caneuon y dramâu cerdd Ceidwad y Gannwyll (1985), Rhys a Meinir (1987), Iarlles y Ffynnon (1992-3) a Pwy bia'r Gân? (2003).^[1]

Nid yw wedi cyhoeddi cyfrol (papur) o'i waith, ond cyhoeddwyd Rebel ar y We ar y we fyd-eang yn Rhagfyr 1996; hon oedd y gyfrol gyntaf yn y Gymraeg i'w rhoi ar y we fyd-eang.^[2]^[3] Newidiwyd teitl y gyfrol ddigidol hon ar y 22 Mai 2006 i 'Rhedeg ar Wydr'.^[4]

Bu'n brifathro am gyfnod o tua 15 mlynedd.

Wikimedia

Ar 1 Gorffennaf 2013, apwyntiwyd Robin yn Reolwr cyntaf i Gymru gan Wikimedia UK a Wici Cymru.^[5]^[6] Mae ei rôl yn bwriadu ehangu y Wicipedia Cymraeg a deunydd Cymreig ar y Wicipedia Saesneg. Fel rhan o'r cynllun hwn, cyfrannodd Cynulliad Cenedlaethol Cymru yn ariannol at hyfforddi olygyddion newydd.^[6] Wrth siarad am apwyntiad Robi, dywedodd Jon Davies, Prif Weithredwr Wikimedia UK: "Mae apwyntiad Robin fel Rheolwr Cymru yn rhan hanfodol o'n strategaeth allgymorth. Y Wicipedia Cymraeg yw'r wefan Gymraeg mwyaf poblogaidd yn y byd a rydym yn falch o gefnogi'r Gymraeg."^[5]

Llyfryddiaeth

Ceidwad y Gannwyll Casgliad o 10 o ganeuon i blant rhwng 8 a 14 oed; ISBN 0862433681
Gwin Beaujolais gyda Robat Arwyn Ionawr 1991 (Y Lolfa)
Ceidwad y Gannwyll a Chaneuon Eraill (Robat Arwyn, Ionawr 1995 (Y Lolfa)
Iarlles y Ffynnon gyda Robat Arwyn Gorffennaf 1997 (Y Lolfa)
Posteri Poeth (Steve Eaves, Robat Gruffudd, Robin Llwyd ab Owain, Dewi Pws) Awst 2001 (Y Lolfa)
Pedair Oed/Mae'r Gân yn ein Huno (Robat Arwyn a Robin Llwyd ab Owain) Rhagfyr 2006 (Cwmni Recordiau Sain)

Rhannau o fewn cyfrolau

Er Hwylio'r Haul Comisiynwyd gan Eisteddfod Genedlaethol Eryri a'r Cylch 2005
Wyth Cân, Pedair Sioe; Gwasg y Lolfa. Cerddoriaeth Robat Arwyn; geiriau gan Hywel Gwynfryn a Robin Llwyd.
Pedair Oed/Mae'r Gân yn ein Huno Dwy gân gan Robat Arwyn a Robin Llwyd; Trefniant SATB i 'Pedair Oed'. Trefniant deulais i 'Mae'r gân yn ein huno'.