Ymgyrchydd amgylcheddol Americanaidd yw marc! Lopez a gaiff ei sgwennu gydag 'm' fach ac ebychnod. Roedd yn gyfarwyddwr gweithredol East Yard Communities for Environmental Justice. Bu’n lobïo am lanhau halogiad batri-plwm Exide yn Vernon, California a threfnodd brotest yn y Ganolfan Ddinesig, Los Angeles.[1][2][3][4] He won a 2017 Goldman Environmental Prize.[5]
Addysg
Graddiodd o Brifysgol California, Santa Cruz, a Phrifysgol Talaith California, Northridge.[6]
Ymgyrchu yn erbyn y ffatri asid-plwm
Mae glanhau'r gwaith plwm enfawr bellach ar y gweill; dyma'r ymdrech fwyaf o’i fath yn hanes California. Mae gwaith y grwp East Yard a grwpiau cymunedol eraill tebyg iddo - hefyd wedi helpu i orfodi sgyrsiau yn Sacramento am lygredd aer, gan arwain at reoliadau ansawdd aer newydd.[7][8][9]
Agorodd y ffatri ailgylchu batri asid plwm yn Vernon, Califfornia, ym 1922. Erbyn y 1990au, roedd y ffatri wedi'i enwi sawl gwaith am fod yn euog o droseddau amgylcheddol. Gwerthwyd y ffatri yn 2000 i gwmni o Georgia o'r enw Exide Technologies.
Cyhoeddodd y Los Angeles Times wybodaeth a gafodd trwy gais cofnodion cyhoeddus, a oedd yn disgrifio "pwll o slwtsh gwenwynig, llwch plwm a oedd yn bwrw glaw i lawr mewn ardaloedd cyfagos, a gwastraff batri asid plwm yn cael ei storio mewn trelars sy'n gollwng". Dywedir bod profion pridd o amgylch ffatri Exide wedi dangos lefelau plwm fwy na 50 gwaith y lefel sy'n ofynnol i gael ei hystyried yn wastraff peryglus. Ni wnaeth y dalaith bron ddim. Roedd wedi caniatáu i'r ffatri weithredu gyda thrwydded anghyflawn am dros 30 mlynedd.[10]
Caewyd y ffatri yn 2015 a bu'n rhaid i'r dalaith dalu $176 mi,liwn i glirio'r gwenwyn, a oedd wedi effeithio dros 10,000 o deuluoedd.
Cyfeiriadau
