John Griffiths (Archddiacon Llandaf)

John Griffiths
Ganwyd	11 Mai 1820  Ciliau Aeron, Aberaeron
Bu farw	1 Medi 1897
Dinasyddiaeth	Cymru
Alma mater	Prifysgol Cymru, Llanbedr Pont Steffan Ysgol Sir, Aberteifi
Galwedigaeth	clerig, addysgwr

Rheithor ac Archddiacon Llandaf o 1877 i 1897 oedd John Griffiths, BD (1820–1897),^[1] a fu hefyd yn Rheithor Castel-Nedd^[2] .

Ganed John Griffiths ym Mharc-y-neuadd, ger Aberaeron, Sir Aberteifi.^[3]

Cafodd ei addysg yng Ngholeg Dewi Sant, Llanbed. Daeth yn brifathro Ysgol Ramadeg Aberteifi a bu'n Llywydd Eisteddfod Genedlaethol Cymru chwe gwaith.^[4]

Gyrfa

Urddwyd ef yn ddiacon yn 1843 a'i drwyddedu i guradiaeth Aberystruth, Sir Fynwy, a derbyniodd urddau offeiriad yn 1844. Bu'n gurad wedyn yn Nant-y-glo, ac yn 1846 penodwyd ef yn ficer Llansanwr, Sir Forgannwg; yn 1847 derbyniodd reithoraeth Eglwys Fair y Mynydd yn ogystal. Yn 1855 penodwyd ef yn rheithor Castell Nedd, a daliodd y swydd honno hyd 1896. Yn 1877 penodwyd ef yn archddiacon Llandaf a rhoddwyd iddo radd B.D. gan archesgob Caergaint.

Bu'n archddiacon Llandaf hyd ei farw ar 1 Medi 1897.

Cyfeiriadau

1. Erthygl goffa Archddiacon Griffiths, The Times (Llundain, Lloegr), dydd iau, Medi 02, 1897; tud. 8; Mater 35298
2. "WEbtrees". Archifwyd o'r gwreiddiol ar 2016-03-03. Cyrchwyd 2017-11-16.
3. Ellis, Thomas Iorwerth (1953). "Y Bywgraffiadur Cymreig". LlGC. Cyrchwyd 16 Tachwedd 2017.
4. 'GRIFFITHS, Ven. John', A Oedd yn A, & C Black, argraffnod o Bloomsbury Publishing plc, 1920-2007; ar-lein argraffiad, Gwasg Prifysgol Rhydychen, Rhagfyr 2007 adalwyd 14 Chwefror 2014