Gogledd Orllewin Clwyd (etholaeth seneddol)

Gogledd Orllewin Clwyd

Enghraifft o'r canlynol	Etholaeth Senedd y Deyrnas Unedig
Daeth i ben	8 Ebrill 1997
Dechrau/Sefydlu	9 Mehefin 1983
Gwladwriaeth	y Deyrnas Unedig
Rhanbarth	Cymru

Roedd Gogledd Orllewin Clwyd yn cyn etholaeth seneddol Gymreig a oedd yn arfer dychwelyd un Aelod Seneddol (AS) i Dŷ'r Cyffredin Senedd y Deyrnas Unedig.

Hanes

Cafodd yr etholaeth ei greu ar gyfer etholiad cyffredinol 1983 a chafodd ei diddymu ar gyfer etholiad cyffredinol 1997.

Crëwyd y sedd trwy uno rhannau helaeth o gyn etholaeth Ddinbych a chyn etholaeth Sir y Fflint roedd y ddwy gyn etholaeth yn cael eu dal gan Geidwadwyr. Fe ymgeisiodd Geraint Morgan AS a Syr Anthony Meyer AS, y ddau aelod a oedd yn cynrychioli'r seddi oedd i'w colli yn yr ad-drefnu, i gael eu henwebu ar gyfer y sedd newydd. Cynigiodd Beata Brookes ASE Gogledd Cymru ei henw ar gyfer yr ymgeisyddiaeth hefyd gan greu peth controfersi a sylw yn y wasg.

Mewn cyfarfod tynnu rhestr fer o ymgeiswyr gan fwrdd reoli Cymdeithas Ceidwadol yr etholaeth a gynhaliwyd ar 6 Mawrth 1983 fe lwyddodd Brookes i ennill yr ymgeisyddiaeth gan i'r bwrdd rheoli penderfynu mae dim ond ei henw hi oedd i'w cyflwyno i gyfarfod dewis gan holl aelodau'r Blaid Geidwadol yn yr etholaeth. Honnodd Syr Anthony bod y cyfarfod yn ffics tra fo Geraint Morgan yn cwyno bod siarad yn y cyfarfod megis pledio achos o flaen rheithgor oedd wedi ei lygru. Plediodd Syr Anthony achos llwyddiannus o flaen Yr Uchel Lys i sicrhau bod ei enw ef yn cael ei gyflwyno i gyfarfod dewis yr aelodaeth cyffredinol yn ogystal ag enw Brookes. Yn y cyfarfod dewis fe lwyddodd Syr Anthony i ennill yr ymgeisyddiaeth o drwch y blewyn.^[1]

Cafodd Syr Anthony ei ddad-ddewis fel ymgeisydd Ceidwadol ar gyfer etholiad cyffredinol 1992 ar ôl iddo ymgeisio yn aflwyddiannus i herio'r prif weinidog Margaret Thatcher am arweinyddiaeth y Blaid Geidwadol^[2]. Cafodd Syr Anthony ei olynu gan Rod Richards ar ran y Ceidwadwyr, fe gadwodd Richards y sedd hyd ei ddiddymu ym 1997.

Aelodau Seneddol

Blwyddyn		Aelod	Plaid
	1983	Syr Anthony Meyer	Ceidwadol
	1992	Rod Richards	Ceidwadol
	1997	diddymu'r etholaeth

Etholiadau

Etholiadau yn y 1990au

Etholiad cyffredinol 1992: Gogledd Orllewin Clwyd[3]
Plaid		Ymgeisydd	Pleidleisiau	%	±%
	Ceidwadwyr	Rod Richards	24,488	46.2	−2.3
	Llafur	Chris Ruane	18,438	34.8	+10.0
	Democratiaid Rhyddfrydol	Robert V. Ingham	7,999	15.1	−7.6
	Plaid Cymru	Neil H. Taylor	1,888	3.6	−0.4
	Deddf Naturiol	Ms. Mary S. Swift	158	0.3
Mwyafrif			6,050	11.4	−12.3
Y nifer a bleidleisiodd			52,971	78.6	+3.5
	Ceidwadwyr yn cadw		Gogwydd	−6.1

Etholiadau yn y 1980au

Etholiad cyffredinol 1987: Gogledd Orllewin Clwyd
Plaid		Ymgeisydd	Pleidleisiau	%	±%
	Ceidwadwyr	Syr Anthony Meyer	24,116	48.5	−2.5
	Llafur	K.L. Thomas	12,335	24.8	+8.5
	Rhyddfrydol	Owen Griffiths	11,279	22.7	−6.4
	Plaid Cymru	Robert Karl Davies	1,966	4.0	+0.4
Mwyafrif			11,781	23.7
Y nifer a bleidleisiodd			49,696	75.2	+2.1
	Ceidwadwyr yn cadw		Gogwydd	−5.5

Etholiad cyffredinol 1983: Gogledd Orllewin Clwyd
Plaid		Ymgeisydd	Pleidleisiau	%	±%
	Ceidwadwyr	Syr Anthony Meyer	23,283	51.0
	Rhyddfrydol	J.J. Lewis	13,294	29.1
	Llafur	C.I. Campbell	7,433	16.3
	Plaid Cymru	Mrs. M. Rhys	1,669	3.6
Mwyafrif			9,989	21.9
Y nifer a bleidleisiodd			45,679	73.1

Cyfeiriadau

1. The Telegraph 10 Ion 2005 Obituaries-Sir Anthony Meyer [1] adalwyd 17 Chwefror 2015
2. The Independent 10 Ionawr 2005 Sir Anthony Meyer Bt [2] Archifwyd 2016-03-07 yn y Peiriant Wayback adalwyd 17 Chwefror 2015
3. UK General Election results April 1992 [3] adalwyd17 Chwefror2015