Actor Cymreig yw Gareth David Lloyd (ganwyd 28 Mawrth1981) sy'n cael ei adnabod yn broffesiynol fel Gareth David-Lloyd. Mae'n fwyaf adnabyddus am ei ran fel Ianto Jones yn y gyfres wyddonias Torchwood.
Bywyd cynnar
Ganwyd yn Betws, Casnewydd.[1] Roedd ei rôl actio gynta fel robot mewn drama yn ei nrama ysgol gynradd. Yn ei arddegau, fe ymunodd a Theatr Ieuenctid Gwent yn Y Fenni a Theatr Ieuenctid Dolman yng Nghasnewydd. Tra yno, fe ymddangosodd mewn sawl drama, yn cynnwys Macbeth, The Threepenny Opera a Henry V, lle roedd ganddo'r brif ran. Astudiodd Gareth Gelfyddyd Perfformio yng Ngholeg Crosskeys (rhan o Goleg Gwent). Pan welodd Neil Kinnock (cyn-arweinydd y Blaid Lafur), y David-Lloyd ifanc yn perfformio yng Nghastell Mynwy fe ddanfonodd £250 ato er mwyn hybu ei yrfa actio.[1]
