Ail-ddinas fwyaf Lithwania yw Cawnas (/ˈkaʊnəs/; Lithwaneg: Kaunas[kɐʊˑn̪ɐs̪] (gwrando); Pwyleg: Kowno; gynt Saesneg: Kovno), sydd wedi'i lleoli yng nghanol y wlad ac sy'n hanesyddol yn ganolfan economaidd, academaidd, a diwylliannol bwysig yn Lithwania. Mae'r ddinas tua hanner ffordd rhwng Vilnius, y brifddinas, a Memel, prif borthladd Lithwania.
Lleoliad Cawnas yn Lithwania
Mae'r enw hefyd yn cwmpasu sir Cawnas, sedd Dinas Cawnas a Dosbarth Cawnas. Defnyddir yr enw hefyd am sedd Archesgobaeth Gatholig Cawnas. Fe'i lleoli yng nghymer dwy afon fwayf Lithwania: Afon Nemunas ac Afon Neris, a ger Cronfa Ddŵr Cawnas, y corff mwyaf o ddŵr yn Lithwania.
Credir y cafodd Cawnas ei sefydlu yn 1030, ond mae'n cael ei chrybwyll gyntaf mewn ffynonellau ysgrifenedig yn 1361. Mae tarddiad mwyaf tebygol enw Lithwaneg y ddinas yn deillio o enw personol tebyg.[1]
