Dinas hynafol yng ngorllewin Twrci yw Bursa. Dyma Prusa neu Brusa yr Henfyd (Groeg: Προύσα, Prousa). Mae'n brifddinas y dalaith o'r un enw. Gyda phoblogaeth o 1,562,828 yn 2007, Bursa yw dinas bedwaredd fwyaf Twrci sydd hefyd yn un o ganolfannau diwylliannol a diwydiannol pwysicaf y wlad honno.
Gorwedd Bursa ar lethrau gogledd-orllewinol cadwyn o fynyddoedd a ddominyddir gan Fynydd Uludağ, yn agos i lan Môr Marmara, i'r gogledd. Ei llysenw gan y Tyrciaid yw "Yeşil Bursa" ("Bursa Werdd"), oherwydd y toau teiliau gwyrdd niferus sydd i'w cael yn yr hen ddinas. Mae rheilffyrdd yn ei chysylltu ag Istanbul, Ankara ac Izmir.
Alltudiwyd yr arweinydd Algeriaidd Abd El-Kader i'r ddinas yn 1852. Yn nes ymlaen, symudodd i Damascus.
