Asnath

Mae Asnath (Hebraeg: אָסְנַת‎) yn fenyw ceir sôn amdani yn Llyfr Genesis yn yr Hen Destament fel gwraig Joseff yn yr Aifft. Mae llawer o'r hanesion am

Asnath
Asnath
TadSichem, Potipherah Edit this on Wikidata
PriodJoseff Edit this on Wikidata
PlantEffraim, Manasse Edit this on Wikidata

Mae Asnath (Hebraeg: אָסְנַת‎) yn fenyw ceir sôn amdani yn Llyfr Genesis yn yr Hen Destament fel gwraig Joseff yn yr Aifft. Mae llawer o'r hanesion amdani yn dod o ysgrifau apocryffaidd ac anghanonaidd.

Yr enw

Credir bod ei henw yn deillio o air mewn Eiffteg hynafol a oedd yn golygu "perthyn i Nath". Roedd Nath yn dduwies yr Aifft.[1]

Mae Asnath, Asenath neu Osnat yn parhau i fod yn enw cyffredin ar ferched yn Israel.

Hanes

Mae'r unig gyfeiriadau at Asnath yn y Beibl i'w cael mewn tri adnod yn Llyfr Geneis. Mae'r adnodau yn adrodd ei bod hi'n hi'n ferch i Potiffera offeiriad On a rhoddwyd i Joseff i fod yn wraig iddo gan Pharo,[2] a bod dau fab wedi eu geni o'r briodas – Manasse ac Effraim.[3] Ceir adroddiad tebyg yn Llyfr y Jiwbilïau. Mae Llyfr y Jiwbilïau yn destun sy'n cael ei gyfrif yn ganonaidd gan Eglwys Uniongred Ethiopia ond yn anghanonaidd gan bob enwad arall. Dydy Genesis na Llyfr y Jiwbilïau ddim yn egluro os oedd Potiffera ei thad yr un dyn a Potiffar distain yr Aifft y cyhuddodd ei wraig Joseff ar gam o geisio ei threisio, ond tybia'r sylwebwyr anghydffurfiol nad ydynt.[4]

Ceir cyfeiriadau at Asnath hefyd yn y Midrash, sy'n astudiaeth destunol o'r Talmud ac yn Targum Ymhongar Jonathan [5] sy'n gyfieithiad o'r Tora gyda nodiadau o eglurhad. Yn y ddau destun dywedir bod Asnath yn ferch i Dina, chwaer Joseff, a Sichem, a anwyd o undeb anghyfreithlon, a ddisgrifir fel rhyw cyn briodasol neu drais rhywiol, yn dibynnu ar y naratif.

Mae cyhoeddiad apocryffaidd diweddarach, a ysgrifennwyd mewn Groeg, y credir ei fod yn ddogfen Gristnogol, o'r enw Joseff ac Asnath, yn manylu ar eu perthynas.[6] Ynddo ceir disgrifiad o Joseff yn gweld Asnath mewn breuddwyd yn cael rhodd o fêl gan angel, a thrwy hynny yn troi at Dduw Israel. Mae'n syrthio mewn cariad efo merch ei freuddwyd yn chwilio am dani ac yn ei phriodi. Wedi i Asnath priodi Joseff, y mae ei frodyr Dan a Gad yn cynllwynio i'w ladd ar ran mab Pharo, sydd am i Asnath fod yn wraig iddo. Mae eu hymdrechion yn cael eu rhwystro gan Benjamin a Lefi. Yn ystod yr ymosodiad, mae Benjamin yn taflu careg at ben mab Pharo ac yn ei glwyfo’n angheuol. Mae'r brodyr eraill yn lladd miloedd o ddynion â chleddyfau. Mae Asnath, yn gweddïo ar Dduw sy’n troi cleddyfau ei hymosodwyr yn llwch. Mae Gad a Dan yn cael eu hachub gan Asnath rhag cael eu lladd gan ddial brodyr eraill Joseff; mae hi'n ceryddu ei brodyr yng nghyfraith gan eu cynghori i beidio ag ymateb i ddrygioni gyda mwy o ddrygioni.[6]

Ar ôl colli ei unig fab, mae Pharo, ar ôl marw, yn gadael ei deyrnas i Joseff, sy'n rheoli am 48 mlynedd.

Gweler hefyd

Cyfeiriadau

Lle fo cyfeiriad yn destun Beiblaidd, bydd dilyn y cysylltiad yn mynd at rifyn Beibl William Morgan Cymdeithas Feiblaidd Prydain a Thramor, 1992 ar wefan Bible Gateway. Am destun mwy cyfoes gellir chwilio am yr un adnodau ar dudalen chwilio Beibl Net
  1. ↑ Name Doctor Asenath adalwyd 16 Awst 2020]
  2. ↑ Genesis 41:45
  3. ↑ Genesis 41:50, 46:20
  4. ↑ Cheyne T K; Encyclopaedia Biblica Vol III L To P 1902, Colofnau 3813-3814; erthyglau Potiphar a Potiphera adalwyd 16 Awst 2020]
  5. ↑ The Halacha in the Targum to the Torah Attributed to Yonatan ben Uzziel, traethawd PhD gan Harris Samuel Freedman; Prifysgol Llundain 1999 adalwyd 16 Awst 2020
  6. ↑ 6.0 6.1 4 Enoch Joseph and Aseneth[dolen farw] adalwyd 16 Awst 2020

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.