Fontana Records, Keltia 3, Mouez Breiz, Universal Music France, Philips Records, Disques Dreyfus, World Village, Harmonia Mundi, Play It Again Sam, Sony Music, Disc'AZ, Warner Music Group, Coop Breizh
dawnsio Llydewig, Sœurs Goadec, Frères Morvan, Jef Le Penven, Seán Ó Riada, Roger Abjean, Mary O'Hara, Turlough O'Carolan, pìobaireachd, Cerddoriaeth Iwerddon
Tad
Georges Cochevelou
Mam
Fanny Julienne Dobroushkess
Gwobr/au
Commandeur des Arts et des Lettres, Urdd y Carlwm, Gwobr Imram, Premio Tenco
Cerddor Llydewig yw Alan Stivell (ganed Alan Cochevelou6 Ionawr, 1944). Mae ei enw llwyfan "Stivell" yn golygu "ffynnon" yn Llydaweg. Roedd ei deulu o Gourin ond treuliodd ei blentyndod ym Mharis. Magodd ddiddordeb yng ngherddoriaeth Llydaw ac ym 1953 dechreuodd ganu'r delyn. Ef yn anad neb arall sy'n gyfrifol am boblogrwydd y delyn Geltaidd. Dysgodd Lydaweg a bu'n cystadlu mewn gwyliau gwerin yn Llydaw. Dechreuodd recordio ym 1959, ac ymddangosodd yr LP Telenn Geltiek ym 1960. Daeth yn adnabyddus iawn yn ystod y 1970au gyda'r adfywiad mewn canu gwerin, a bu ar daith i nifer o wledydd, gan gynnwys Cymru (mae ei fersiwn o 'Mae gen i ebol melyn' yn arbennig o Geltaidd).
Ieuenctid
Yn 1953 cerfiodd ei dad (Georges Cochevelou) delyn Geltaidd i'w fab, a honno wedi ei llunio ar delynau traddodiadol Llydewig. Dysgodd siarad Llydaweg yn sydyn iawn; dysgodd hefyd llawer am ddawnsio traddodiadol Llydaw. Dysgodd hefyd sut i chwythu'r pibgorn a'r bombarde Llydewig. Recordiodd sengl yn 1953 ac yna Telenn Geltiek yn 1963.
Arweinydd y Mudiad Cerddoriaeth Geltaidd
Alan Stivell yn Lorient
Perfformiodd ar y cyd gyda'r Moody Blues yn Llundain yn (1968). Yn 1970, lansiodd y sengl "Broceliande" a Reflets, y ddau ar label Philips. Roedd lansio'r albwm hwn yn faniffesto dros ei ymgyrch dros Cerddoriaeth y Byd (neu 'World Music').
Ef hefyd oedd yn gyfrifol am y symudiad Llydewig o 'fynd yn ôl at y gwreiddiau', drwy recordio albwm (yn 1971) o'r enw Renaissance de la Harpe Celtique.
Yn 1976 cyhoeddodd gyfrol o farddoniaeth Llydewig.
Yn 1979 impiodd nifer o genres wrth ei gilydd i greu Symphonie Celtique: roc, elfenau 'Berber' y lleisydd Djouha a'r sitarydd Narendra Bataju. Roedd y perfformiad cyntaf o'r Symffoni Celtaidd ym maes pêl-droed enfawr Gŵyl Ryng-Geltaidd An Oriant o flaen deg mil o gynulleidfa. Chwarter awr cyn y diwedd, daeth cawod ysgafn o law ac ni orffennwyd y symffoni. Rhoddwyd y cyfan ar ddisg, fodd bynnag.
Yn yr 1980au trodd y canu gwerin yn fath arall roedd wedi ei ragweld flynyddoedd ynghynt, sef Cerddoriaeth y Byd. Cydweithiodd dro ar ôl tro gyda Kate Bush.
Bu'n ddylanwad ar, a pherfformio gyda, cantorion Llydewig eraill, megis Yann-Fañch Kemener.
.svg){kind=small}
