Afon yng Ngwynedd, Cymru, yw Afon Dwyfor.
Mae Afon Dwyfor yn tarddu yn rhan uchaf Cwm Pennant, lle mae nifer o nentydd yn cyfarfod. Wedi llifo tua'r de trwy bentref Llanfihangel-y-pennant mae'n troi tua'r de-orllewin heibio Dolbenmaen ac yna trwy bentref Llanystumdwy, lle mae bedd David Lloyd George ar lan yr afon. Yn fuan wedyn mae Afon Dwyfach yn ymuno â hi, ychydig cyn iddi gyrraedd y môr i'r de o Lanystumdwy ac i'r gorllewin o dref Cricieth, gan aberu ym Mae Tremadog.
Afon Dwyfor yng Nghwm Pennant
