Gustav IV Adolf

Gustav IV Adolf

Gustav IV Adolf a voe roue Sveden ha Finland war-lerc'h e dad Gustav III eus 1797 da 1809, pa voe distroadet. Dimeziñ a reas d'ar briñsez alaman Friederike Dorothea von Baden (1781-1826).

E vuhez

Mab e oa da Gustav III ha da Sofia Magdalena Danmark.

Diroueet

Gustave-Adolphe en 1809, ar bloaz ma voe diroueet

Distroadet e voe gant un taol-stad en 1809, goude kollet Finland gant Sveden, ha roet da Rusia. Abaoe an XIIIvet kantved e oa ar broviñs-se er rouantelezh .

Dimeziñ ha bugale

Gustav Adolf ha Frederica Dorothea.

En 1797 e timezas da Friederike Dorothea von Baden (1781–1826), ha pemp bugel o doe: Pemp bugel he doe :

• Gustav (1799-1877), priñs Vasa,
  • a zimezas en 1830 da Luise von Baden (1811-1854), merc'h da Karl Ludwig Friedrich von Baden ha da Stéphanie de Beauharnais), dizimezet en 1844,
    • daou vugel o doe, en o zouez Carola Wasa (1833-1907), a zimezas en 1853 da Albert Iañ von Sachsen, diwezhañ roue Sachsen;

• Sophie (1801-1865), a zimezas en 1819, da Leopold Iañ von Badeb (1790-1852), dug meur ha goureontr dezhi ;

• Karl (1802-1805), dug Finland

• Amalie 1805-1853)

• Cécile (1807-1844), a zimezas en 1831 da Paul Frédéric Auguste, dug Oldenburg.

E varv

Gustav IV Adolf a varvas un noz a C'hwevrer 1837 en un davarn e Sankt Gallen en Suis ma veve diwar un tamm labour a oa bet kavet dezhañ gant an impalaer Franz Iañ Aostria (1768 - 1835), tad-kaer ha breur-kaer d'un nizez da roue Sveden, an arc'hdugez Sophie Friederike von Bayern, mamm an impalaer Franz Joseph Iañ (1830-1916).