Anne Haney, bet ganet Anne Ryan Thomas (4 a viz Meurzh 1934 – 26 a viz Mae 2001) a oa un aktourez stadunanat hag a c'hoarie war leurennoù hag e filmoù.
Brudet eo evit he ferzhioù evel hini Mrs. Sellner er film Mrs. Doubtfire (1993) ha hini Greta er film Liar Liar (1997).
Remzad
Anne Haney a c'hoarias tudenn Rishon Uxbridge ha hini Bajoran er stirad skinwel stadunanat Star Trek.
En un doare reoliek e c'hoarias an dudenn Alberta Meechum er stirad Mama's Family (1984-1985). Er stirad Our House (1986-1988) e c'hoarias tudenn Virginia Taft. Tudenn ar varnerez Marilyn Travelini a c'hoarias ivez er stirad L.A. Law (1986-1994).
E meur a stirad all e voe pedet da c'hoari. En Ally McBeal e c'hoarias da ziwezhañ, en un abadenn hag a voe skignet d'an 8 a viz Genver 2001.
Buhez
E Memphis (Tennessee) e voe ganet Anne Ryan Thomas. Dimeziñ a reas da John Haney, ur sterner e skinwel stadel, hag a gavas e skol-veur North Carolina ma oa-hi o studiañ c'hoariva, skingomz ha skinwel. Pa varvas he fried e 1980 ez eas da Su Kalifornia da vevañ gant he merc'h. Eno e krogas gant he remzad aktourez.
E Los Angeles, e Studio City, e varvas diwar un taol-kalon d'an oad a 67 vloaz.
Filmoù pennañ
- Hopscotch (1980)
- The Children Nobody Wanted (1981, evit ar skinwel)
- The Night the Lights Went Out in Georgia (1981)
- Making Love (1982)
- Some Kind of Hero (1982)
- The Bad Seed (1985)
- Malice in Wonderland (1985)
- Lime Street (1985)
- Mr. Belvedere (1985)
- The Best of Times (1986)
- The Golden Girls (1986)
- Blind Justice (1986)
- Elvis and Me (1988)
|
- Star Trek: The Next Generation (1989)
- Northern Exposure (1992)
- Quantum Leap (1992)
- Star Trek: Deep Space Nine (1993)
- Mrs. Doubtfire (1993)
- The American President (1995)
- Mother (1996)
- Liar Liar (1997)
- Midnight in the Garden of Good and Evil (1997)
- Psycho (1998)
- Forces of Nature (1999)
- The Out-of-Towners (1999)
|
Liammoù diavaez
