Язэп Францавіч Камаржынскі (1899 , Дзвінск , цяпер Латвія — 1965 , Даўгаўпілс ) — артыст , рэжысёр , культурна-грамадскі дзеяч беларускай дыяспары ў Латвіі міжваеннага перыяду.
Дзвінская ініцыятыўная група па падрыхтоўцы Беларускіх вечароў у 1922. Злева направа: Пётра Мірановіч , Кастусь Александровіч , Язэп Камаржынскі, Алесь Махноўскі Удзельнічаў у тэатральных пастаноўках трупы Дзвінскага чыгуначнага тэатра пад кіраўніцтвам М. Канстанцінава . Падчас 1-й сусветнай вайны ў эвакуацыі на Смаленшчыне . Працаваў у рабочай драматычнай дружыне Рослаўля . У 1919—1920 гадах акцёр драмы, сябра Смаленскага аддзялення Усерасійскага прафесійнага саюза работнікаў мастацтва [ru] Дзвінск , скончыў беларускія настаўніцкія курсы. У 1922 годзе як рэжысёр узначаліў створаную з ініцыятывы К. Езавітава і Э. Будзькі беларускую тэатральную трупу Дзвінска. Беларускія спектаклі ставіліся ім у латгальскім клубе «Саўле» і святліцы чыгуначнікаў. Калектыў выязджаў з пастаноўкамі ў Прыдруйшчыну , Ізабелінаўшчыну , інш. рэгіёны пражывання беларускага этнасу. Увосень 1929 года Беларускі аддзел пры Міністэрстве асветы Латвіі запрасіў Камаржынскага ў Рыгу , дзе ён працаваў настаўнікам у беларускай школе на Маскоўскім фарштаце , а затым быў прызначаны дырэктарам Беларускага народнага тэатра . Выступаў як акцёр і рэжысёр. Ставіў п’есы У. Галубка , Я. Купалы , Р. Блаўмана . 3 утварэннем Таварыства беларускага тэатра ў Латвіі Камаржынскі быў дзейсны яго сябра. У 1936 годзе беларуская грамадскасць Латвіі шырока адзначыла 20-годдзе яго творчай дзейнасці.
Я. Камаржынскі ў камічнай ролі Удзельнічаў у культурна-грамадскай рабоце латышскіх беларусаў і падчас Другой сусветнай вайны . У 1945 годзе ў ліку іншых культурна-асветных беларускіх працаўнікоў С. Сахарава , С. Сіцько , П. Масальскага (П. Сакола) арыштаваны і высланы ў Сібір . Пасля рэабілітацыі ў 1955 годзе вярнуўся ў Дзвінск (Даўгаўпілс), удзельнічаў у пастаноўках спектакляў у Даўгаўпілскім гарадскім Доме культуры. Загінуў, збіты машынай па дарозе на рэпетыцыю.
Пахаваны на каталіцкіх могілках у Даўгаўпілсе [ 1]
