PROFILBARU.COM

Фёдар Рыгоравіч Друцкі-Горскі
Фёдар Рыгоравіч Друцкі-Горскі
староста цэльскі[d]
	9 снежня 1589 — 1615
Пераемнік	Мікалай Багуслаў Зяновіч
Нараджэнне	не пазней за 1554
Смерць	не раней за 15 ліпеня 1615
Род	Друцкія-Горскія
Бацька	Рыгор Фёдаравіч Друцкі-Горскі
Маці	Таміла Багданаўна Заслаўская[d]
Жонка	Марына з Вішнявецкіх[d]
Дзеці	Рыгор Юрый Друцкі-Горскі, Соф’я з Друцкіх-Горскіх[d], Альжбета з Друцкіх-Горскіх[d] і Еўдаксія Крысціна з Друцкіх-Горскіх[d]
Веравызнанне	праваслаўе і кальвінізм

Фёдар Рыгоравіч Друцкі-Горскі (1550-я — 1-я палова 1615) — вялікалітоўскі арыстакрат. Староста цэльскі (1589—1615).

Вялікай кар’еры не зрабіў, быў дэпутатам Трыбунала Вялікага Княства Літоўскага ад Менскага ваяводства ў 1586, 1594, 1597, 1600, 1604 гадах, ад Віцебскага — у 1591 годзе, у тым ліку трыбунальскім маршалкам менскай кадэнцыі — у 1586, 1591, 1597 гадах, навагародскай — у 1604 годзе.

Браў удзел у Інфлянцкай вайне (1558—1583). У 1589 годзе атрымаў на ленным праве невялікае Цэльскае староства (частку колішняй Свіслацкай воласці), якое складалася толькі з вёскі Цэль.

Кальвініст. У 1594 годзе ажаніўся з Марынай Вішнявецкай, дачкой кіеўскага кашталяна князя Міхаіла Аляксандравіча Вішнявецкага і Гальшкі Юр’еўны Зяновіч, таксама кальвіністаў.

У 1595 годзе браў удзел у кальвінісцкім сінодзе ў Вільні^[6].

Быў незаможны, асноўны маёнтак, пасля падзелу спадчыны з братамі ў 1597 годзе — Лошыца Гарнастаеўская з вёскамі Трасцянец, Сініла, Тыгорак. За жонкай атрымаў як пасаг Багушэвічы, а 26 снежня 1594 года сужэнцы набылі ў Марыніных братоў Міхаіла і Юрыя Вішнявецкіх маёнтак Дзяксняны.

У шлюбе з Марынай Вішнявецкай меў сына Рыгора і трох дачок — Соф’ю, Альжбету і Еўдаксію. У свой час Юзаф Вольф называў яшчэ сына Фёдара, але пазней звесткі пра яго не пацвердзіліся.

Рыгор, у каталіцтве Юрый (1595/1598 — лета 1659), староста аршанскі, ваявода мсціслаўскі
Альжбета (? — пасля 1635), у шлюбе за Адамам Трызнам.
Еўдаксія, у каталіцтве Крысціна (? — да студзеня 1647), у першым шлюбе за Янам Ісайкоўскім, у другім (з 1632) за Мацеем Вадарадскім.
Соф’я (? — 19 ліпеня 1657), у першым шлюбе (з 1624—1625) за Балтазарам Стравінскім, у другім (з 1633) за Крыштафам Хадкевічам, віленскім ваяводам (1642—1652)

Зноскі

↑ ^а ^б Князі Друцкія-Горскія ў Вялікім Княстве Літоўскім у XV—XVIII стст. / пад рэд. В. У. Галубовіч, С. А. Рыбчонак, А. І. Шаланда — 2016. — С. 90. — 400 с. — ISBN 978-985-90380-3-7
<a href="https://wikidata.org/wiki/Track:Q124078834"></a>
↑ Князі Друцкія-Горскія ў Вялікім Княстве Літоўскім у XV—XVIII стст. / пад рэд. В. У. Галубовіч, С. А. Рыбчонак, А. І. Шаланда — 2016. — С. 92, 97. — 400 с. — ISBN 978-985-90380-3-7
<a href="https://wikidata.org/wiki/Track:Q124078834"></a>
↑ Czamańska I. Wiśniowieccy: monografia rodu — Poznań: Wydawnictwo Poznańskie, 2007. — С. 60. — 552 с. — ISBN 978-83-7177-229-0
<a href="https://wikidata.org/wiki/Track:Q11711731"></a><a href="https://wikidata.org/wiki/Track:Q9379244"></a><a href="https://wikidata.org/wiki/Track:Q130214150"></a>
↑ ^а ^б ^в ^г Князі Друцкія-Горскія ў Вялікім Княстве Літоўскім у XV—XVIII стст. / пад рэд. В. У. Галубовіч, С. А. Рыбчонак, А. І. Шаланда — 2016. — С. 97. — 400 с. — ISBN 978-985-90380-3-7
<a href="https://wikidata.org/wiki/Track:Q124078834"></a>
↑ ^а ^б Князі Друцкія-Горскія ў Вялікім Княстве Літоўскім у XV—XVIII стст. / пад рэд. В. У. Галубовіч, С. А. Рыбчонак, А. І. Шаланда — 2016. — С. 94. — 400 с. — ISBN 978-985-90380-3-7
<a href="https://wikidata.org/wiki/Track:Q124078834"></a>
↑ Wolff J. Kniaziowie… s. 145.

Літаратура

Рыбчонак С. Кар’ера мсціслаўскага ваяводы князя Грыгорыя Юрыя Друцкага Горскага // Вялікае Княства Літоўскае: палітыка, эканоміка, культура : зб. навук. арт. У 2 ч. Ч. 1. / Нац. акад. навук Беларусі, Ін-т гісторыі; уклад.: А. А. Скеп’ян. — Мінск : Бел. навука, 2017. — С. 450—464. — С. 451.
Князі Друцкія-Горскія ў Вялікім Княстве Літоўскім у XV—XVIII стст. / В. У. Галубовіч, С. А. Рыбчонак, А. І. Шаланда. — Мір: Музей «Замкавы комплекс „Мір“», 2016. — 400 с.: ил.