Уладзімір Трафімавіч Халіп

Уладзімір Трафімавіч Халіп
Род дзейнасці	пісьменнік, журналіст, тэатразнавец
Дата нараджэння	7 кастрычніка 1939(1939-10-07)[1] (85 гадоў)
Месца нараджэння	Двор Пліна, Ушацкі сельсавет, Ушацкі раён, Віцебская вобласць, БССР, СССР
Жонка	Люцына Юр’еўна Бяльзацкая^[d]
Дзеці	Ірына Халіп
Месца працы	Беларусьфільм
Альма-матар	БДУ (1963)
Партыя	КПСС
Член у	Беларускі саюз кінематаграфістаў Саюз беларускіх пісьменнікаў БСТД

Уладзімір Трафімавіч Халіп (7 верасня 1939, в. Двор Пліна, Ушацкі раён) — беларускі драматург, тэатразнавец, кандыдат мастацтвазнаўства (1975).

Біяграфія

Закончыў Беларускі дзяржаўны універсітэт (1963). З 1970 года інструктар ЦК КПБ, галоўны рэдактар Дзяржкіно БССР. З 1981 г. працаваў на кінастудыі «Беларусьфільм».

Аўтар манаграфіі «Радок, прачытаны тэатрам», прысвечанай праблемам інсцэнізацыі твораў у тэатрах Беларусі, кінасцэнарыяў, мастацкіх фільмаў «Полымя» (з Г. Бураўкіным, Ф. Коневым), «Мама, я жывы!», тэлефільма «Нас выбраў час» (з А. Петрашкевічам), дакументальных фільмаў «Брэсцкая крэпасць», «Тры колеры радасці», «Я саладат Брэсцкай крэпасці», «Чырвоны сшытак», «Саюз рэспублік і сэрцаў», лібрэт опер «Джардана Бруна» (пастаўлена Дзяржаўным тэатрам оперы і балета БССР), «Матухна Кураж» (Малдаўскі тэатр оперы і балета і Каўнаскі музычны тэатр), п’есы «Цень гары» (пастаўлена ў 1987 г. Нацыянальным акадэмічным драматычным тэатрам імя Я. Коласа).

Выступае ў перыядычным друку па праблемах тэатра і кіно^[2].

Сям’я

У шлюбе з Люцынай Бяльзацкай, дачкой беларускага кампазітара Юрыя Бяльзацкага, мае дачку Ірыну Халіп (нар. 1967), беларускую журналістку.

Зноскі

1. Халип Владимир Трофимович // https://www.biografija.ru/biography/khalip-vladimir-trofimovich.htm
2. Халіп Уладзімір Трафімавіч (нявызн.)(недаступная спасылка). Архівавана з першакрыніцы 29 снежня 2019. Праверана 2 красавіка 2020.

Літаратура

• Варатынская, Г. Кінематаграфіст з Ушаччыны / Г. Варатынская // Патрыёт (Ушачы). — 2004. — 22 снеж.
• Халіп Уладзімір Трафімавіч // Памяць : гісторыка-дакументальная хроніка Ушацкага раёна / рэдкал. Г. К. Кісялёў [і інш.]. — Мн., 2003. — С. 553.