Стужачнік Каміла

Стужачнік Каміла
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Papilionoidea Сямейства:  Німфаліды Падсямейства:  Limenitidinae Трыба:  Limenitidini Род:  Стужачнікі Від:  Стужачнік Каміла
Міжнародная навуковая назва
Limenitis camilla L., 1764
Сістэматыка на Віківідах Выявы на Вікісховішчы NCBI   270466 EOL   162556

Стужачнік Каміла^[1], стужачнік малы^[1] (Limenitis camilla) — дзённы матылёк з сямейства Німфаліды (Nymphalidae). Назва паходзіць ад Камілы — у грэчаскай міфалогіі — амазонка, што загінула ў бітве рутулаў з Энеем.

Апісанне

Даўжыня пярэдняга крыла 23—31 мм, размах крылаў 45—60 мм. Крылы чорна-шэрага колеру, у самцоў з невялікім сіняватым адлівам бліжэй да іх каранёў, з белай перарывістай перавяззю і дробнымі бурымі плямамі па ніжнім баку задняга крыла і на вяршыні пярэдняга. Ніжні бок крылаў пярэсты, памяранцава-карычневы з белай перавяззю.

• 
  Limenitis camilla
• 
  Limenitis camilla △

Распаўсюджанне

Еўропа, Каўказ, краіны Закаўказзя, Турцыя, Паўднёвы Урал, Прыамур’е, Прымор’е, паўночны ўсход Кітая, Карэя, Японія.

Месцапражыванні

Лясны і лесастэпавы пояс Усходняй Еўропы. Сустракаецца ў розных тыпах драбналістых, шыракалістых і мяшаных лясоў, пераважна па берагах рэк і вадаёмаў, пад полагам лесу, дзе маюцца разрэджаныя месцы або невялікія паляны, а таксама на лясных ўзлесках, у рэдкалессях. Насяляюць пераважна лакальна, аддаючы перавагу не пакідаць межы сваіх месцаў пражывання, да далёкіх міграцый не схільныя. У горы звычайна не падымаецца вышэй за 1500 метраў.

Час лёту

Ніжні бок крылаў

Развіваецца ў двух пакаленнях. На поўначы арэала толькі адно пакаленне. Лёт першага пакалення ў чэрвені—ліпені, другога пакалення — у другой палове жніўня — да 1—2 дэкады верасня. Самцы ўтвараюць скапленні па берагах лужын, вадаёмаў, на кветках парасонавых, памёце, гнілой садавіне. Самкі вядуць схаваны спосаб жыцця, трымаюцца пераважна ля верхавін дрэў, спускаючыся да зямлі вельмі рэдка.

Размнажэнне

Самкі адкладаюць па 1 яйку на верхнюю паверхню лісця раслін. Стадыя вусеня доўжыцца лета, і з восені па май, з зімоўкай на другім-трэцім узросце. Вусені харчуюцца на бружмелі татарскім (Lonicera tatarica), бружмелі звычайным (Lonicera xylosteum). Акукліваюцца на лісці або галінах. Стадыя кукалкі доўжыцца 8—14 дзён.

Падобныя віды ў Еўропе

• Limenitis reducta
• Стракатка травяная (Neptis sappho)
• Стракатка спірэйная (Neptis rivularis)

Заўвагі па ахове

Занесены ў Чырвоную кнігу Латвіі — 4 катэгорыя.

Зноскі

1. БелЭн 2002.

Літаратура

• Максімава С. Л. Стужачнікі // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 221. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Ленточник камилла — Limenitis camilla (Linnaeus, 1763) // Экологический центр «Экосистема»™, А. С. Боголюбов (руск.) (Праверана 24 чэрвеня 2023)